पुण्यात हेलिकॉप्टर कोसळलं, गारवा हॉटेलजवळ क्रॅश, चार प्रवासी जखमी

पुणे जिल्ह्यातील पौड भागात हेलिकॉप्टर कोसळून अपघात झाला आहे. पुण्यात दिवसभर पावसाचा जोर पाहायला मिळत आहे. खराब हवामानामुळे हेलिकॉप्टर पडल्याचा अंदाज आहे. पोलीस घटनास्थळी पोहचत असून बचाव यंत्रणाही दाखल होत आहेत. हे हेलिकॉप्टर कोणाच्या मालकीचं आहे, ते कोण चालवत होतं, याविषयी अजून माहिती मिळालेली नाही.

प्रत्यक्षदर्शींनी दिलेल्या माहितीनुसार, पुण्यातील पौड भागात गारवा हॉटेलजवळ एक हेलिकॉप्टर अचानक आकाशात गिरक्या खाताना दिसलं. त्यानंतर आवाज झाला आणि हेलिकॉप्टर जमिनीवर कोसळलं. अपघातग्रस्त हेलिकॉप्टरमध्ये चार प्रवासी होते. त्यापैकी दोघे जण गंभीर जखमी झाले आहेत. सध्या शंभरहून अधिक जण घटनास्थळी जमा झाले आहेत.