Vasai School Case : धक्कादायक! सात वर्षाच्या चिमुकलीवर शाळेतील कॅन्टीनमध्ये काम करणाऱ्या अल्पवयीन मुलाकडून अत्याचार

नेमकं काय आहे प्रकरण?

नायगाव पोलीस ठाणे हद्दीतील एका इंग्रजी माध्यमाच्या शाळेत इयत्ता दुसरी शिकणाऱ्या सात वर्षाच्या चिमुकल्या विद्यार्थिनीवर लैंगिक अत्याचार केल्याची घटना घडली आहे. आरोपी हा शाळेतील कॅन्टीनमध्ये काम करणारा सोळा वर्षांचा अल्पवयीन मुलगा आहे. सात वर्षाची पीडित चिमुकली एक दिवस शाळेतील कॅन्टीनमध्ये जाण्यास तयार झाली नाही. त्यामुळे शाळेतील शिक्षिकेने याची या चिमुकलीकडे याबाबत विचारणा केली असता कॅन्टीनमध्ये काम करणारा मला त्रास देत असल्याचे तिने शिक्षिकेला सांगितले. शिक्षिकेने हा संपूर्ण प्रकार शाळेच्या मुख्याध्यापिका यांना सांगितला. मुख्याध्यापिका यांनी चिमुकलीला विश्वासात घेऊन तिची नीट विचारपूस केली, त्यावेळी चिमुकलीने शाळेतील कॅन्टीन परिसरात आरोपीने चार ते पाच वेळा त तिच्यावर लैंगिक अत्याचार केल्याचे मुख्याध्यापिकांना सांगितले. हा संपूर्ण धक्कादायक प्रकार समजल्यानंतर शाळेच्या मुख्याध्यापिकेने घटनेची माहिती नायगाव पोलिसांना दिली.
Ajit Pawar : अशा विकृत व्यक्तींचे सामानच काढून टाकलं पाहिजे, अजित पवार बदलापूर प्रकरणावरून संतापले

आरोपीवर पोक्सो कलमांतर्गत गुन्हा दाखल

पोलिसांनी या प्रकरणी आरोपी विरोधात नायगाव पोलीस ठाण्यात विनयभंग आणि पोक्सो कलमातर्गत दाखल केला आहे. आरोपी अल्पवयीन मुलाला अटक करुन त्याला रिमांड होममध्ये पाठवण्यात आले आहे. शाळा परिसरातील सीसीटीव्ही फुटेज पोलिसांनी तपासणीसाठी ताब्यात घेतले असून शाळेतील अन्य मुलींसोबत देखील असा प्रकार घडला आहे का? याबाबतचा तपास पोलीस करीत आहेत.

दरम्यान, बदलापूरची घटना ताजी असतानाच राज्यातील अनेक भागांमघून अत्याचाराच्या घटना समोर येऊ लागल्या आहेत. जनतेच्या मनात संतापाची लाट निर्माण झाली आहे. आज महाविकास आघाडीकडून यासंदर्भात आंदोलन करण्यात आले आहे.