झोप आल्याने कंटेनर रस्त्याच्या कडेला, भरपावसात वेगात येणाऱ्या दुचाकीची धडक

सिंधुदुर्ग : मुंबई-गोवा महामार्गावर दुचाकी आणि कंटेनरमध्ये भीषण अपघात झाला आहे. उभ्या असलेल्या कंटेनरला मागून धडक बसल्यामुळे हा अपघात झाल्याची माहिती समोर येत आहे. या अपघाताची तीव्रता देखील मोठी होती. त्यामुळे या अपघातामध्ये दोन तरुण जागीच ठार झाले आहेत.मिळालेल्या माहितीनुसार, मुंबई-गोवा महामार्गावर वागदे हॉटेल मालवणीजवळ भीषण अपघात घडला आहे. महामार्गावर हॉटेल मालवणीजवळ वागदे येथे आज पहाटे २ ते २.४५वाजेदरम्यान उभ्या असलेल्या कंटेनरला मागून धडक बसल्याने दोन तरुण जागीच ठार झाले. या अपघाताची स्थानिक पोलिसांना नागरिकांना माहिती मिळताच घटनास्थळी तात्काळ धाव घेतली. कंटेनर चालकाला झोप येऊ लागल्याने त्याने हा कंटेनर रात्रीच रस्त्याच्या बाजूला उभा केला होता. त्यानंतर तो कंटेनरचालक सकाळी उठून गोवा या दिशेने जाणार होता. त्यामुळे बाजूला लावलेल्या कंटेनर चालकाला अपघाताचा सामना करावा लागला आहे.

Raj Thackeray: आदित्य ठाकरेच काय, शिंदे-फडणवीसांच्या मतदारसंघातही उमेदवार, राज ठाकरेंचा इरादा पक्का

कंटेनर महामार्गावर उभा असताना ओरोसच्या दिशेने भरधाव वेगाने जाणाऱ्या या दुचाकीची धडक कंटेनरला मागून बसल्याने या दुचाकीवर असलेले दोन्ही तरुण या भीषण अपघातामध्ये ठार झाले. यामधील ठार झालेल्या तरुणांमध्ये संकेत नरेंद्र सावंत (वय, २४ परबवाडी कणकवली) आणि साहिल संतोष भगत (वय २३ विद्यानगर कणकवली) यांचा समावेश आहे. हे दोन्ही तरुण कणकवली शहरामध्ये राहणारे आहेत. या अपघाताची माहिती मिळताच पोलीस निरीक्षक मारुती जगताप यांच्यासह पोलीस उपनिरीक्षक राजकुमार मुंढे, सहाय्यक पोलीस उपनिरीक्षक राजेंद्र नानचे, संतोष शिंदे, यांनी अपघातस्थळी धाव घेतली.

नेपाळमध्ये भीषण बस अपघात

भुसावळ तालुक्यात सकाळची कामे सुरू असतानाच तालुक्यातील पाच ते सहा गावांमधून उत्तरप्रदेश व नेपाळ येथे देवदर्शनाला गेलेल्या भाविकांच्या बसला अपघात झाल्याची बातमी धडकली. या बातमीने तालुक्यातील सर्वांच्याच काळजाचा ठोका चुकला. सायंकाळी अपघातात २७ भाविकांचा मृत्यू झाल्याचे स्पष्ट होताच अवघा तालुका सुन्न झाला. एकट्या वरणगावातील १० जणांचा या अपघातात मृत्यू झाल्याचे समजल्याने गाव शोकसागरात बुडाले. सायंकाळपासून गावातील एकाही घरात चूल पेटली नाही.