Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आरोपीला पाठीशी घालू नका! बदलापूर आणि कोलकत्ता प्रकरणावर PM मोदींनी भरला सज्जड दम
मुंबई : पंतप्रधान नरेंद्र मोदी आज जळगाव जिल्ह्याच्या दौर्‍यावर होते लखपती दीदी कार्यक्रमाच्या निमित्ताने मोदींचा महाराष्ट्र दौरा आयोजित करण्यात आला होता. यात उपस्थित असलेल्या विविध भागातील महिलांची लखपती दीदी सोबत मोदींनी संवाद साधला. योजनेचा कशा पद्धतीने फायदा झाला आणि बचत गटामार्फत महिलांना किती प्रोत्साहन मिळाले याची त्यांनी माहिती घेतली. यावेळी पीएम मोदी यांनी बदलापूर आणि कोलकत्ता प्रकरणावर थेट पहिल्यांदा जळगावातून भाष्य केले.
पीएम मोदी म्हणाले…
महिलांवर होणाऱ्या अत्याचाराविरोधत मोदींनी थेट कडक शब्दात भूमिका मांडली. महिलांवर अत्याचार करणाऱ्या नराधम माफीस पात्र नाही. अशा घटनेतील आरोपीवर कडक कारवाई झाली पाहिजे. मी प्रत्येक राजकीय पक्ष आणि राज्य सरकारला सागू इच्छितो की, महिलांवर होणारे अत्याचार अक्षम्य आहेत. कोणीही दोषी असेल त्याला कडक शिक्षा झाली पाहिजे. कोणीही आरोपीला पाठीशी घालण्याचे प्रयत्न करु नये. महिलांवर होणाऱ्या अत्याचाराच्या प्रकरणात दोषीला शिक्षा देण्यासाठी राज्य सरकारसोबत केंद्र सरकार सुद्धा दोषीला शिक्षा देण्यासाठी खांद्याला खांदा लावून उभे असेल.
नव्या भारतीय दंडन्यायसंहिता नुसार महिलांना आता घरबसल्या अत्याचाराविरोधात एफआयआर दाखल करता येणार आहे. त्यामुळे गुन्ह्याची एफआयआर लगेच नोंद होवून कारवाईला वेग येणार. महिलांवरील अत्याचार रोखण्यासाठी केंद्र सरकार नवे कायदे आणणार आहे अशी माहिती मोदींनी बोलताना दिली. स्वातंत्र्यनंतर जितके महिला सक्षमकरणासाठी मोदी सरकारने इतके काम केले आहे जितके आतापर्यंत कोणत्याच पक्षाने केले नसेल असे मोदी यांनी बोलून दाखवले.
लखपती दीदी योजनेचा कार्यक्रम संपन्न
जळगावातील प्राइम इंडस्ट्रियल पार्क मैदानावर झालेल्या लखपती दिदी संमेलनापूर्वी प्रधानमंत्री नरेंद्र मोदी यांनी देशातील निवडक अशा ८० लखपती दीदींशी संवाद साधला. लखपती दिदी संवाद कार्यक्रमात देशातील वेगवेगळ्या राज्यांतील सखी दिदी, ड्रोन दीदी, पशु दिदी, कृषी दिदी म्हणून नावारूपाला येऊन लखपती झालेल्या महिला उपस्थित होत्या. लखपती दीदी योजनेमुळे महिला बचतगटांना मिळालेल्या आर्थिक, व्यावसायिक सहाय्य व प्रशिक्षणामुळे आम्ही आर्थिकदृष्ट्या सक्षम झालो. त्याचबरोबर आम्हाला आत्मसन्मान ही मिळाला,अशी भावना लखपती दीदींनी यावेळी पीएम मोदी यांच्याकडे व्यक्त केली.