युक्रेनचा रशियावर भीषण हल्ला, लाडक्या बहिणींच्या पुढच्या ओवाळणीचा मुहूर्त ठरला

१. नांदेडचे काँग्रेस खासदार वसंत चव्हाण यांचे निधन, हैदराबाद येथील किम्स रुग्णालयात उपचार सुरु असताना प्राणज्योत मालवली, सोमवारी पहाटे तीन वाजताच्या सुमारास अखेरचा श्वास, दोन आठवड्यांपासून रुग्णालयात उपचार, परंतु मृत्यूशी झुंज अपयशी, राजकीय वर्तुळातून हळहळ व्यक्त

२. लाडकी बहीण योजनेचे १ ऑगस्टपासून आलेल्या अर्जांचा निधी ३१ ऑगस्टपासून वितरीत होणार, महिला आणि बालविकास मंत्री आदिती तटकरे यांची माहिती, दुसऱ्या टप्यातील निधी वितरणाचा कार्यक्रम नागपूरमध्ये होणार

३. मी आस्तिक की, नास्तिक, अशी चर्चा होते. मात्र, सर्वधर्मसमभावाचा विचार देणाऱ्या वारकरी संप्रदायाला मी मानतो. पंढरपूरच्या पांडुरंगाचे दर्शन घेतो, पण गाजावाजा करत नाही, दर्शनाची कधीही प्रसिद्धी करीत नाही. माझ्या अंतःकरणात पांडुरंगाचा, ज्ञानोबा-तुकोबा यांचा विचार, शरद पवार यांची स्पष्टोक्ती

४. अतुल बेनके यांचे नक्की चालले तरी काय? शरद पवारांच्या स्वागतासाठी अजितदादा गटातील आमदार अतुल बेनके यांची बॅनरबाजी, मी जरी अजित पवार गटाकडून असलो तरी माझे विचार मात्र शरद पवारांसारखे, बेनकेंची स्पष्टीकरण

५. खडकी रेल्वे स्थानकाजवळ जुन्या पुणे-मुंबई महामार्गावर रविवारी सकाळी कार आणि एसटी बसची समोरासमोर धडक, भीषण अपघातात भूमिअभिलेख विभागात उपअधीक्षक पदावर कार्यरत महिलेचा मृत्यू, तर पती, भाऊ, एक दुचाकीस्वार आणि बसमधील प्रवासी असे चौदा जण जखमी, भावाला भेटून घरी जात असताना अपघात

६. अमेरिकी अवकाश संशोधन संस्था ‘नासा’चे अंतराळवीर बॅरी विल्मोर आणि सुनीता विल्यम्स फेब्रुवारी २०२५मध्ये पृथ्वीवर परतणार, दोघा अंतराळवीरांना आंतरराष्ट्रीय अवकाश स्थानकावर घेऊन गेलेली ‘स्टारलायनर’ अवकाशकुपी सप्टेंबरमध्ये अंतराळवीरांविनाच पृथ्वीवर येणार, ‘स्पेस एक्स’ कंपनीच्या ‘क्रू ९’ या मोहिमेतून आणखी सहा महिन्यांनी विल्मोर आणि विल्यम्स पृथ्वीवर परततील

७. आमिर खान तिसरं लग्न करणार? बॉलिवूड अभिनेत्रीसोबत नाव जोडलं गेल्यानंतर चर्चांना उधाण, आमिरने चर्चांवर मौन सोडलं, इथे क्लिक करुन वाचा म्हणाला तरी काय

८. रिझर्व्ह बँक ऑफ इंडियाकडून बँकांमधील सुट्ट्यांची यादी जाहीर केली आहे, भारतातील विविध क्षेत्रांमधील खाजगी आणि सार्वजनिक क्षेत्रातील बँका सप्टेंबरमध्ये एकूण 15 दिवस बंद राहणार, राष्ट्रीय आणि प्रादेशिक सुट्ट्यांशिवाय रविवार आणि दुसरा-चौथा शनिवार यांचा समावेश, इथे क्लिक करुन जाणून घ्या यादी

९. तीन सामन्यांच्या मालिकेत वेस्ट इंडिजची २-० अशी अभेद्य आघाडी, दक्षिण आफ्रिकेला शेवटच्या ३६ चेंडूत ५० धावा हव्या असताना सहा विकेटही होत्या शिल्लक, मात्र एकामागून एक सात विकेट गमावत चोकर्स सर्वबाद

१०. युक्रेनचा रशियावर मोठा हल्ला, युक्रेनी सेनेकडून रशियाच्या सारातोव येथील सर्वात उंच इमारतीवर ड्रोनद्वारे हल्ला, रशियाच्या रोस्तोव, सेरातोव, कुर्स्क आणि बेल्गोरोड या भागांना लक्ष्य करुन भीषण हल्ला