Tej Police Times
शिवरायांचा पुतळा पडला, चर्चा भलत्याच गोष्टींवर, संभाजीराजे भडकले, म्हणतात, शिल्पकार आपटे…
मुंबई : छत्रपती शिवाजी महाराज यांचा सिंधुदुर्ग जिल्ह्यातील मालवण येथे असलेल्या राजकोटच्या किल्ल्यावरील पुतळा सोमवारी २६ ऑगस्टला कोसळ्यानंतर विरोधकांनी सरकारवर टीकेची झोड उठवली आहे. याचदरम्यान, या सर्व घटनेवर छत्रपती शिवाजी महाराजांचे वंशज तथा माजी खासदार संभाजीराजे छत्रपती प्रसार माध्यमांना प्रतिक्रिया देताना चांगलेच भडकले असल्याचं दिसून आलं आहे. ते म्हणाले की, ”निवडणूक समोर आहे म्हणून घोडचूक करुन काम करु नये. पुतळा बांधताना ज्या काही जाचक अटी आहेत, त्या तुम्ही पालन का करत नाहीत? असा सवाल त्यांनी यावेळी केला आहे.
जो चुकलाय त्याच्यावर गुन्हा दाखल होईलच
जो चुकलाय त्याच्यावर गुन्हा दाखल होईलच
”आज जर शिवाजी महाराजांचा पुतळा उभा करायचा असेल, तर त्याला काही जाचक अटी आहेत. हे पॅरामिटर आपण का पाळत नाहीयेत? मुळात या मुद्द्यांवर चर्चा झाली पाहिजे. मात्र, चर्चा होतेय ती, या घटनेत कोण दोषी आहे. जो चुकलाय त्याच्यावर गुन्हा दाखल झाला पाहिजे. चुकला त्याचावर कारवाई होणारच”, असं देखील संभाजीराजे यावेळी म्हणाले आहेत. जे झालंय ते झालंय, आता यात आपण काय सुधारणा करु शकतो. काय पॅरामिटर लावू शकतो. हे पाहिलं पाहिजे, याच्यावर बोललं पाहिजे”, असंही त्यांनी यावेळी सांगितलं आहे.
”शिवाजी महाराजांच्या पुतळ्याचे शिल्पकार जयदीप आपटे हे श्रीकांत शिंदे यांचे निकटवर्तीय असल्याचं संजय राऊत यांनी म्हटलं आहे. असा प्रश्न विचारला असता संभाजीराजे म्हणाले, यातलं मला काही माहिती नाही, याची मला काही कल्पना नाही”.
दरम्यान, विरोधीपक्ष यावरुन सरकारवर टीका करत असतानाच संभाजीराजे यांनी देखील सरकारच्या कारभारावर टीका केली आहे. ”हा पुतळा घाईगडबडीत उभा केला होता. तसेच हा पुतळा आकारहीन आणि शिल्पशास्त्रास अनुसरुन बनवला नव्हता. त्यामुळे आम्ही हा पुतळा बदलण्याची मागणी केली होती. मात्र, सरकारने याकडे दुर्लक्ष केलं”.संभाजीराजे यांनी पंतप्रधान नरेंद्र मोदी आणि केंद्र सरकारला यासंदर्भात पत्र पाठवलं होतं. या पत्राचा फोटो देखील संभाजीराजे यांनी समाजमाध्यमांवर शेअर केला आहे.