डंपर बाजूला घे! म्हणताच एसटी चालकाला केली मारहाणीला सुरवात

नेमकं काय घडलं?

पोलिसांनी दिलेल्या माहितीनुसार शिरूर – नारायणगाव या मार्गे एक एसटी नारायणगावच्या दिशेने चालली होती. या दरम्यान जांबुत गावच्या हद्दीत असणाऱ्या बस थांब्यावर एसटी थांबली. एसटीमधून प्रवासी खाली उतरत होते. एसटी जाणार असल्याचे माहिती असून देखील राहुल सोनवणे नावाच्या डंपर चालकाने एसटीच्या समोर आपला डंपर उभा केला. यावेळी एसटी चालक ज्ञानदेव गाडीलकर यांनी राहुल सोनवणे डंपर बाजूला घेण्यास सांगितला. त्यावर सोनवणे यांनी एसटी चालक गाडीलकर यांना शिवीगाळ करण्यास सुरुवात केली. तसेच त्यांना मारहाण करत ढकलून दिले. या प्रकरणावर एसटी चालक गाडीलकर यांनी पोलिसांकडे तक्रार केली आहे. सोनवणे यांनी शासकीय कामात अडथळा आणल्याचे गाडीलकर यांनी म्हंटले आहे.
Harshvardhan Patil : आयुष्यभर सर्व काही सहन करेन, मात्र अपमान सहन करणार नाही – हर्षवर्धन पाटील

माझ्या पायाचे ऑपरेशन झालं आहे

या संपूर्ण प्रकारावर बोलताना एसटी चालक गाडीलकर म्हणाले की, ”माझ्या पायाचे ऑपरेशन झालेले असून माझ्या पायामध्ये रॉड टाकलेला आहे. समोरील व्यक्तीने मला मारहाण करत असताना मी खाली कोसळलो. मला कोणीही मदत केली नाही. त्यामुळे बस मला पोलीस स्टेशन मध्ये घेऊन यावी लागली. या घटनेमुळे शाळेमध्ये जाणाऱ्या विद्यार्थ्यांची व सोबत असलेल्या प्रवाशांची गैरसोय झाली. एसटी चालकांना मारहाण करणे हा प्रकार दिवसेंदिवस वाढत आहेत. त्यामुळे प्रशासनाने अशा मारहाण करणाऱ्या गुन्हेगारांना वेळीच धडा शिकवणे गरजेचे आहे”. असं गाडीलकर म्हंटलं आहे.

दरम्यान, या आधी देखील राज्यात चालकांमध्ये मारहाणीच्या घटना घडलेल्या आहेत. अशातच आता शिरूर तालुक्यात नव्याने घटना घडली आहे.