धक्कादायक! चंद्रपूरमागोमाग रत्नागिरीत शिक्षकाचे विद्यार्थिनीसोबत गैरवर्तन; संगमेश्वरमध्ये खळबळ

रत्नागिरीचे पोलीस उपविभागीय अधिकारी नीलेश माईणकर पोलीस कुमक घेऊन संगमेश्वर पोलीस ठाण्यात दाखल झाले. संगमेश्वर पोलीस स्थानकात पंचवीस पोलीसांची कुमक घेऊन उपस्थित झाल्याची सूत्रांची माहिती मिळाली आहे. संगमेश्वर पोलीस स्थानकातून संशयित शिक्षकाला रत्नागिरीत हलवले असल्याची माहिती मिळत आहे. सगळ्या गंभीर प्रकरणात गुन्हा दाखल करण्याची कार्यवाही सुरू आहे. जिल्हा पोलीस अधीक्षक धनंजय कुलकर्णी परिस्थितीवर लक्ष ठेवून आहेत.

चंद्रपूरात विद्यार्थिंनीकडे मागितली मिठी..

तर दुसरीकडे वाढदिवसानिमित्त चॉकलेट दिल्यानंर ‘रिटर्न गिफ्ट’ म्हणून विद्यार्थिनीपुढे मिठी मारण्याचा प्रस्ताव ठेवणाऱ्या दोन शिक्षकांविरुद्ध पोक्सोसह गुन्हे दाखल करण्यात आले आहे. हे दोन्ही शिक्षक फरार असून त्यांचा शोध सुरू आहे. वरोरा येथे शुक्रवारी ही गंभीर घटना समोर आली.वरोरा शहरातील नगरपालिकेजवळ असलेल्या एका महाविद्यालयात एका शिक्षकाचा वाढदिवस होता. या शिक्षकासह त्याच्या मित्राने विद्यार्थिनीला घरी बोलविले. तिला चॉकलेट देऊन ‘रिटर्न गिफ्ट’मध्ये मिठी मारण्याचा प्रस्ताव विद्यार्थिनीसमोर ठेवण्यात आला. याला नकार देत विद्यार्थिनीने घर गाठले. आईवडिलांना हे सांगितल्यावर वरोरा पोलिसांत तक्रार देण्यात आली.

यानंतर पोस्कोसह गुन्हे दाखल करण्यात आले. गुन्हा दाखल झाल्यानंतर दोन्ही शिक्षक फरार झाले आहेत. त्यांचा पोलिसांकडून शोध सुरू असल्याची माहिती उपविभागीय पोलिस अधिकारी नाओमी दशरथ साटम यांनी ‘मटा’शी बोलताना दिली. विद्यार्थिनी १७ वर्षे १० महिन्यांची असल्याची पुष्टीही त्यांनी जोडली. विद्यार्थिनींवरील अत्याचाराच्या मुद्द्यावरून राजकीय वातावरण तापले आहे. आंदोलने आणि मोर्चांच्या माध्यमातून संताप व्यक्त होत असताना आज राज्यात अशा दोन घटना समोर आल्या आहेत.