Navi Mumbai: ‘मला तू आवडतेस’, तरुणाकडून मुलीची सतत छेड, नागरिकांनी पोलिसांसमोरच…

पोलिसांनी आरोपीला ताब्यात घेताच संतप्त नागरिकांनी पोलिसांसमोरच आरोपीची चांगलीच धुलाई केली. बदलापुरात घडलेली घटना ताजी असतानाच कळंबोलीमध्ये घडलेल्या घटनेमुळे वातावरण तापू नये या करता कळंबोली पोलिसांनी तत्परता दाखवत आरोपी विरोधात तात्काळ गुन्हा दाखल केल्याने कळंबोली पोलिसांचे कौतुक होत आहे.

रिक्षात लैंगिक अत्याचार

दरम्यान, तीन दिवसांपूर्वी नवी मुंबईतच एक संतापजनक घटना घडली. पनवेलमधील १३ वर्षीय मुलीसोबत अश्लील कृत्य केल्याप्रकरणी पनवेल तालुका पोलिसांनी आरोपी सुफियान कुरेशी याला अटक केली असतानाच, सुफियान याच्या रिक्षाचालक मित्रानेही याच पीडितेला जूनमध्ये जबरदस्तीने रिक्षातून नेऊन पार्किंगमध्ये रिक्षामध्येच तिच्यावर लैंगिक अत्याचार केल्याची घटना उघडकीस आली आहे. पनवेल शहर पोलिसांनी आरोपी रिक्षाचालक मोहसिन इस्माईल शेख (२५) याच्याविरोधात बलात्कारासह पोक्सो अंतर्गत गुन्हा दाखल करून त्याला अटक केली आहे.

या घटनेतील पीडित मुलगी पनवेलमध्ये राहण्यास असून आरोपी रिक्षाचालक मोहसिन शेख हा पनवेलच्या पळस्पे फाटा येथे राहतो. शेख याने या मुलीसोबत ओळख वाढवून तिला २१ जून रोजी रात्री ८ वाजण्याच्या सुमारास आजिवली येथून आपल्या रिक्षातून जबरदस्तीने पनवेलमधील साई वर्ल्ड सिटीमधील एका इमारतीच्या पार्किंगमध्ये नेऊन तिच्यावर रिक्षामध्येच लैंगिक अत्याचार केले होते.