जिथे बायकोला पिछाडी, तिथे प्रचारात आघाडी; अजित पवारांचं बारामतीसाठी जोरदार शक्तिप्रदर्शन

अजित पवारांना निवडणूक अवघड असल्याचे द्योतक

अजित पवारांचे बारामतीतील हे शक्तिप्रदर्शन पाहता आपल्याच गडात अजित पवारांना निवडणूक सोपी नसल्याचे द्योतक आहे. यासाठीच शक्तीप्रदर्शनाच्या माध्यमातून राष्ट्रवादी काँग्रेस निवडणुकीसाठी मैदान तयार करत असल्याचे स्पष्ट होत आहे. अजित पवारांचा पक्ष राज्यभरात करीत असलेल्या जनसन्मान यात्रेची सुरुवात बारामतीतच करण्यात आली होती. मात्र त्यावेळी पावसाने यात्रेवर पाणी फिरवले होते, तसेच लोकांचा अत्यल्प प्रतिसाद यामुळे या यात्रेच्या आयोजनावरही बरीच टीका करण्यात आली होती. याच पार्श्वभूमीवर यावेळी मात्र राष्ट्रवादी काँग्रेसने बरीच तयारी केल्याचे पाहायला मिळते.
भाजपच्या बैठकीला दांडी, पवारांच्या भिडूंच्या क्लबला हजेरी; बडा नेता लवकरच हाती घेणार तुतारी?

१५ किलोमीटरच्या रोडशोने वातावरण पालटण्याची योजना

जवळपास १५ किलोमीटरचा रोडशो आणि दुचाकी रॅलीने बारामतीतील वातावरण फिरवून टाकण्याचे राष्ट्रवादी काँग्रेसच्या अजित पवारांच्या पक्षाने योजिले आहे. ठरलेल्या नियोजनानुसार भिगवण रस्त्यावरील एमआयडीसी चौकापासून ते थेट संपूर्ण रिंग रोडवरून ही रॅली आणि रोडशो संपूर्ण शहरात देखील करण्यात आला. एकूणच बारामतीच्या १ लाख ५ हजार मतदारांना प्रभावित करणारा हा रोडशो ठरला आहे.
CMपदी कोण आवडेल? सर्व्हेचा निकाल चक्रावून टाकणारा; शिंदे, फडणवीस, ठाकरेंमध्ये चुरस; कोण पुढे?
लोकसभेच्या निवडणुकीवेळी अजित पवार यांच्या पत्नी आणि राज्यसभेच्या खासदार सुनेत्रा पवार या बारामती शहरातच २३ हजार मतांनी पिछाडीवर पडल्या होत्या. बारामती शहराचे स्वरूप अजित पवारांनी पालटवले असताना या विकास कामाच्या यशोगाथा कार्यकर्ते रंगवून सांगत होते. तरी देखील बारामती शहरात २३ हजार मतांनी पिछाडीवर गेलेल्या सुनेत्रा पवार यांच्यामुळे अजित पवारांना मोठा धक्का बसला होता. त्यातच विधानसभेला त्यांच्याच पुतण्याला पुढे करण्याची योजना शरद पवार आखत असल्याने अजित पवारांपुढे यंदा मोठे आव्हान असणार आहे. या पार्श्वभूमीवर अजित पवारांच्या या शक्तिप्रदर्शनाला महत्व प्राप्त झाले आहे.