Maharashtra Politics: अब की बार मविआ सरकार, पण…; सर्व्हे आला, कोणाला किती जागा? कुठे आघाडी? कुठे पिछाडी?

राज्यातील ज्येष्ठ सेफोलॉजिस्ट दयानंद नेने यांनी १६ ऑगस्ट ते २५ ऑगस्टदरम्यान एक मोठं सर्वेक्षण केलं. लाडकी बहीण योजना महायुतीच्या बाजूनं कोणतीही मोठी लाट निर्माण करत नसल्याचं जन सर्वेक्षणातून समोर आलं आहे. राज्यात कायदा आणि सुव्यवस्थेबरोबरच बेरोजगारी हा मोठा प्रश्न आहे. सर्वेक्षणात सहभागी झालेल्या लोकांना महायुती आणि महाविकास आघाडीला लाईक आणि मतदान करण्यास सांगण्यात आले होते. राज्यात लाडकी बहीण योजना सुरू होऊनही जनमानसात कोणताही मोठा बदल झालेला नाही, हे सर्वेक्षणातून दिसून आलं आहे.
CMपदी कोण आवडेल? सर्व्हेचा निकाल चक्रावून टाकणारा; शिंदे, फडणवीस, ठाकरेंमध्ये चुरस; कोण पुढे?
महायुतीच्या कामगिरीबद्दल लोकांना विचारलं असता २८ टक्के लोकांनी चांगली, २० टक्के लोकांनी समाधानकारक, २० टक्के लोकांनी खराब, २१ टक्के लोकांनी असमाधानकारक, तर ११ टक्के लोकांनी माहिती नसल्याचं सांगितलं. जुलै अखेरच्या सर्वेक्षणात नेने यांनी महाविकास आघाडीला (एमव्हीए) १५८ तर महायुतीला १२२ जागा मिळण्याची शक्यता वर्तवली होती. आता दीड महिन्यानंतर झालेल्या दुसऱ्या सर्वेक्षणात अजूनही जनमानसात फारसा फरक नसल्याचं समोर आलं आहे.
भाजपच्या बैठकीला दांडी, पवारांच्या भिडूंच्या क्लबला हजेरी; बडा नेता लवकरच हाती घेणार तुतारी?
आज निवडणूक झाल्यास महाविकास आघाडीला १५२ ते १५८ जागा मिळतील असा अंदाज आहे. राज्यात सत्तास्थापनेसाठी १४५ आमदारांचा पाठिंबा गरजेचा आहे. राज्यात महाविकास आघाडीला बहुमत मिळेल असं सर्व्हे असतो. तर महायुतीला १२२ ते १२३ जागा मिळण्याचा अंदाज आहे. त्यामुळे महायुती चांगली लढत देताना दिसत आहे. मुख्यमंत्रिपदासाठी लोकांनी उपमुख्यमंत्री देवेंद्र फडणीस यांना सर्वाधिक पसंती दिली आहे. दुसऱ्या क्रमांकावर उद्धव ठाकरे आणि त्यानंतर एकनाथ शिंदे आहेत.

कोण कुठे आणि कोणत्या विभागात सामर्थ्यवान?
राज्यव्यापी सर्वेक्षणात विदर्भ, मराठवाडा आणि पश्चिम महाराष्ट्रात महाविकास आघाडी तर उत्तर महाराष्ट्र, ठाणे, कोकण आणि पुण्यात महायुती मजबूत असल्याचं स्पष्ट झालं आहे. मुंबईत महाविकास आघाडी पुढे असली तरी महायुती कडवी टक्कर देईल असं चित्र आहे. महायुतीत भाजप सर्वात मोठा पक्ष ठरेल. यानंतर शिंदे यांच्या नेतृत्वाखाली शिवसेना आणि त्यानंतर अजित पवारांची राष्ट्रवादी काँग्रेस असेल. तर महाविकास आघाडीत काँग्रेसनंतर शिवसेना उबाठा आणि शरद पवार यांच्या नेतृत्वाखालील राष्ट्रवादी काँग्रेस असेल.