Tej Police Times
मालवण पुतळा प्रकरणी सिंधुदुर्ग पोलिसांकडून मोठी अॅक्शन; जयदीप आपटे याच्यासाठी लूक आऊट नोटीस जारी
Look Out Notice Against Jaydeep Apte : मालवणमधील राजकोट किल्ला परिसरात उभारण्यात आलेल्या छत्रपती शिवाजी महाराजांच्या पुतळा कोसळल्या प्रकरणी सिंधुदुर्ग पोलिसांनी शिल्पकार जयदीप आपटेविरोधात लूक आऊट नोटीस जारी केली आहे.
आपटे याचे सर्व मोबाईल बंद असल्याने त्याचा ठाव ठिकाण अद्याप पोलिसांना मिळू शकलेला नाही. त्याचे ठाणे कल्याण परिसरातील त्याचे घरही अद्याप बंद असल्याने त्याचा शोध अद्याप जारी आहे. जयदीप आपटे याला मालवण पोलीस ठाण्यात हजर राहण्यासाठी हा प्रकार घडल्यानंतर त्याच दिवशी उशिरा त्याच्या घरी हजर असलेल्या त्याच्या पत्नीकरवी नोटीस देण्यात आली होती. मात्र अद्याप तो हजर झालेला नाही. पोलिसांनाही त्याचा ठाव ठिकाण अद्याप न सापडल्याने अखेर मंगळवारी सिंधुदुर्ग जिल्हा पोलीस प्रशासनाकडून लूक आऊट नोटीस जारी करण्यात आली आहे, अशी माहिती सिंधुदुर्ग जिल्हा पोलीस प्रशासनाकडून देण्यात आली आहे. या प्रकरणात कोल्हापूर येथील घोडावत इन्स्टिट्यूट येथे कार्यरत असलेला चेतन पाटील हा कोल्हापूर पोलिसांना शरण आल्यानंतर कोल्हापूर पोलिसांकडून मालवण पोलिसांनी ताब्यात घेऊन त्याला मालवण न्यायालयात हजर केल्यानंतर 5 सप्टेंबरपर्यंत त्याची रवानगी पोलीस कोठडीत करण्यात आली आहे.
Maratha Reservation: सरकारला इशारा देणाऱ्या मनोज जरांगेंना मराठा नेत्यांकडून ८ दिवसाचा ‘अल्टिमेटम’; राज्यात सर्वांच्या भुवया उंचावल्या
छत्रपती शिवाजी महाराज यांच्या पूर्णाकृती पुतळ्याची उभारणी भारतीय नौदल दिना निमित्त नेव्हल डॉकयार्ड (मुंबई), शहिद भगतसिंग रोड, नेव्हल डॉकयार्ड, मुंबई यांचेकडून योग्य ती निविदा प्रक्रिया पूर्ण करुन मेसर्स, आर्टिस्टरी, प्रोप्रायटर जयदीप आपटे, बी 2, बालाजी दर्शन, डॉक्टर गुप्ते चौक, दूध नाका, जि. ठाणे दि. 08 सप्टेंबर 2023 रोजी कार्यरंभ आदेश देवून करण्यात आली. सदर ठिकाणी पक्का चौथरा व त्यावर पुतळ्याची उभारणी व स्टॅबिलीटी अॅनालीसीस डॉ. चेतन एस. पाटील, स्ट्रक्चरल कन्स्लटंट DYNAMIC Structure, 597, शिवाजी पेठ, कोल्हापूर 416012 यांनी केले होते.
Sujay Vikhe: राणे नगरला आले, बोलून गेले; विखे पाटील म्हणाले… वातावरण कोणी बिघडविले तर माझ्याशी गाठ
पुतळा उभारणी कामी नेव्हल डॉकयार्ड यांनी मागणी केल्यानुसार सार्वजनिक बांधकाम विभागामार्फत 2 कोटी 44 लाख रुपये वर्ग करण्यात आले होते. त्यानुसार पुतळ्याचा सुमारे 12 फूट उंच चौथरा बांधकाम करुन त्यावर सुमारे 28 फूट उंच पुर्णाकृती पुतळा बसविण्यात आला. चार डिसेंबर विषय 23 रोजी पंतप्रधान महोदयांच्या हस्ते या पुतळ्याचे अनावरण करण्यात आले. त्यानंतर देशाच्या विविध भागांमधून सुमारे 5 लाख पर्यटकांनी पुतळ्यास भेट दिली होती. जयदीप आपटे, प्रोप्रायटर मेसर्स, आर्टिस्टरी, डॉ. चेतन एस. पाटील, स्ट्रक्चरल कन्स्लटंट या दोघांवर गुन्हा दाखल करण्यात आला आहे. सार्वजनिक बांधकाम विभागाचे सहाय्यक अभियंता यांनी या प्रकरणाची फिर्याद दाखल केली होती.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा