मोहोळ, मुंडे पुण्यातील कारभारी! भाजपकडून विधानसभा मतदारसंघांची जबाबदारी, पंकजा मुंडेंचा आजपासून पुणे दौरा

केंद्रीय मंत्री आणि पुणे शहराचे खासदार मोहोळ यांच्याकडे कसबा, पर्वती, पुणे कँटोन्मेंट या पुण्यातील मतदारसंघासह लातूर शहर, ग्रामीण, निलंगा, औसा आणि तुळजापूर या मतदारसंघाची जबाबदारी देण्यात आली आहे. तर, मुंडे यांच्याकडे चिंचवड, वडगाव शेरी, शिरूर, दौंड, खडकवासला आणि शिवाजीनगर विधानसभा मतदारसंघांची जबाबदारी सोपविण्यात आली आहे. पंकजा मुंडे या पुढील चार दिवस पुणे दौऱ्यावर येत असून चिंचवडमध्ये असलेला गृहकलह मिटविण्याची जबाबदारी मुंडे यांच्यावर असणार आहे.

पर्वती विधानसभेच्या आमदार माधरी मिसाळ आणि पंकजा मुंडे यांच्यात अत्यंत सख्य आहे. याच मतदारसंघातून महापालिकेचे माजी सभागृह नेते श्रीनाथ भिमाले हे उमेदवारी मागत आहेत. शिवाजीनगर विधानसभा मतदारसंघातून सनी निम्हण यांनी भाजपकडे उमेदवारी मागितली आहे. त्याच वेळी निम्हण यांना काँग्रेसकडून गळ घातली जात असून, त्यांना शिवाजीनगरमधून उमेदवारी देण्याची तयारी सुरू करण्यात आली आहे.

Nashik Vidhan Sabha: भाजपच्या जागा भाजपच लढेल! केंद्रीय राज्यमंत्री रक्षा खडसे यांचे स्पष्ट संकेत
मुंडे यांचा पुणे दौरा

पंकजा मुंडे या पुढील चार दिवस पुणे दौऱ्यावर येत आहेत. त्या आज, मंगळवारी चिंचवड विधानसभा मतदारसंघातील कार्यकर्त्यांशी संवाद साधणार आहेत. चिंचवडमध्ये ही असलेला गृहकलह मिटविण्याची जबाबदारी मुंडे यांच्यावर असणार आहे. त्यानंतर बुधवारी त्या वडगाव शेरी आणि शिरूर विधानसभा मतदारसंघातील कार्यकर्त्यांशी चर्चा करणार आहेत. तर, गुरूवारी दौंड, खडकवासला आणि शुक्रवारी शिवाजीनगर विधानसभा मतदारसंघांचा आढावा घेणार आहेत.