बिस्कीट उचलायला चिमुकला धावला, बेल्टचा जोरदार फटका, अंबरनाथच्या कंपनीत मृत्यूचा थयथयाट

ठाणे जिल्ह्यातील अंबरनाथ शहरातील आनंद नगर भागात असलेल्या एमआयडीसीमध्ये एका बिस्किट बनवण्याच्या कंपनीत ही घटना घडली आहे. या प्रकरणी अंबरनाथ पूर्वेकडील शिवाजीनगर पोलीस ठाण्यात अकस्मात मृत्यूची नोंद करत पोलिसांनी तपास सुरू केला आहे. आयुष चौहान (वय ३ वर्ष) असे मृत चिमुरड्याचे नाव आहे. विशेष म्हणजे तो एकुलता एक मुलगा होता.

आईसोबत बिस्किटाच्या कंपनीत

पोलिसांनी दिलेल्या माहितीनुसार मयत आयुष हा अंबरनाथ पूर्वेतील आनंद नगर एमआयडीसी नजीक असलेल्या ठाकूर पाडा भागातील एका चाळीत आई वडिलांसह राहत होता. तो मूळचा बिहार राज्यातील असून त्याची आई पूजा कुमारी नितेश चौहान (वय २२) ही उपजीविकेसाठी बिस्कीट कंपनीतील ५ ते ६ कामगारांना जेवणाचे डबे पुरवत असे.
Lalbaug Bus Accident : गणराया काय केलंस? होणाऱ्या नवऱ्यासोबत बाईकवर जाताना बसची धडक, त्याच्याच डोळ्यादेखत प्राण सोडले

बिस्किटाच्या मोहाने प्राण घेतले

नेहमीप्रमाणे ३ सप्टेंबर रोजी सकाळच्या सुमारास आनंद नगर एमआयडीसी भागातील चिखलोली प्लॉट क्रमांक 40, 41 येथील बिस्कीट बनविणाऱ्या राधे कृष्ण कंपनीत महिला मुलासोबत जेवणाचे डबे देण्यासाठी गेली होती. त्याच सुमारास आयुषला मशीनच्या ब्लेटवरून बिस्किटे एका मागून एक जात असल्याचे दिसले. चिमुकल्या आयुषला त्याचा मोह आवरला नाही. एक बिस्कीट उचलण्यासाठी वाकताच त्याच्या गळ्याला बेल्ट लागून तो गंभीर जखमी झाला.

ही घटना पाहून कंपनीमधील कामगारांनी मशीन बंद करत चिमुरड्याला उल्हासनगरमधील मध्यवर्ती शासकीय रुग्णालयात दाखल केलं. मात्र उपचारापूर्वीच त्याचा मृत्यू झाला होत. या घटनेमुळे चिमुरडा राहत असलेल्या भागात हळहळ व्यक्त केली जात आहे.
Pune Hadapsar hotspot murder : रस्त्यात हॉटस्पॉट न दिल्याचा राग, पुण्यातील बँक कर्मचारी कुलकर्णींच्या हत्येचं गूढ उकललं
विशेष म्हणजे तो आई-वडिलांचा एकुलता एक मुलगा होता. या प्रकरणी वरिष्ठ पोलीस निरीक्षक अशोक भगत यांच्याशी संपर्क साधला असता, त्यांनी सांगितले की मृत मुलाची आई कंपनीतील कामगारांना जेवणाचे डबे पुरवत असून घटनेच्या दिवशी तिच्यासोबत मुलगा आला होता. धावत्या मशीनच्या बेल्टमधून बिस्कीट उचलत असतानाच हा अपघात घडला आहे. त्याची २२ वर्षीय आई पूजा कुमारी चौहान यांच्या तक्रारीवरून अकस्मात मृत्यूची नोंद करून पोलिसांनी तपास सुरू केल्याचे सांगितले.