Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
हे तर देवेंद्र फडणवीस यांचे कारस्थान; CBIने गुन्हा दाखल केल्यानंतर अनिल देशमुखांची पहिली प्रतिक्रिया
Anil Deshmukh On CBI Registered Case: गिरीश महाजन यांच्यावर खोटे आरोप गुन्हा नोंदवण्यासाठी पोलिसांवर दबाव टाकल्याप्रकरणी अनिल देशमुख यांच्यावर सीबीआयने गुन्हा दाखल केला आहे. त्यानंतर देशमुखांनी उपमुख्यमंत्री देवेंद्र फडणवीस यांच्यावर हल्लाबोल केलाय.
भाजपचे मंत्री गिरीश महाजन यांच्यावर खोटे आरोप करून एमओसीए अंतर्गत गुन्हा नोंदवण्यासाठी पोलीस अधिकाऱ्यांवर दबाव आणल्याप्रकरणी सीबीआयने अनिल देशमुख यांच्याविरोधात गुन्हा दाखल केला आहे. त्यांच्याविरुद्ध गुन्हा दाखल झाल्यानंतर अनिल देशमुख यांनी उपमुख्यमंत्री देवेंद्र फडणवीस यांच्यावर हल्लाबोल करत फडणवीस यांनी कारस्थान केले असल्याचा आरोप केला आहे. यासोबतच हा खटला आपण न्यायालयात लढणार असल्याचेही त्यांनी सांगितले.
Assembly Elections: निकालानंतर या आधारावर ठरवला जाईल मुख्यमंत्री, शरद पवारांचे मोठे वक्तव्य; जागावाटपाबाबत व्यक्त केली इच्छा
देशमुख पुढे म्हणाले, “भाजपच्या काही नेत्यांनी आरोप केला आहे की, मी गृहमंत्री असताना पोलीस अधिकाऱ्यावर दबाव टाकला. गेल्या 3 वर्षांपासून काय चालले आहे ते आपल्याला माहीत आहे. तीन वर्षांपूर्वी अश्याच पद्धत्तीनं देवेंद्र फडणवीस यांनी परमवीर सिंग आणि सचिन वझे ला सोबत घेऊन त्यांना माझ्यावर आरोप करायला लावला. त्या दोघांनी माझ्यावर आरोप केला. त्यानंतर माझ्यावर चौकशी झाली. चौकशी झाल्यानंतर कोर्टामध्ये जेव्हा केस गेली, हायकोर्टात गेली, जस्टीस चांदिवाल चा कोर्टात गेली. आणि हायकोर्ट आणि जस्टीस चांदिवाल यांच्या कोर्टाने सांगितलं की, अनिल देशमुख यांच्यावर जे आरोप झाले त्यात काहीही तथ्य नाही. त्याचे कोणतेही पुरावे नाही. ते प्रकरण संपत असतांना आता नवीन काहीतरी जळगाव चा प्रकरणामध्ये भारतीय जनता पार्टीच्या नेत्याला अटक करा असा त्यांचा आरोप आहे. हे सगळं देवेंद्र फडणवीसांचे कारस्थान असल्याचे माजी गृहमंत्री अनिल देशमुख म्हणाले.
अनिल देशमुखांच्या अडचणीत वाढ; CBIने दाखल केला आणखी एक गुन्हा, भाजपच्या नेत्यांना खोट्या प्रकरणात अडकवल्याचा आरोप
देवेंद्र फडणवीस यांनी हा खुलासा केला होता
विधानसभेत विरोधी पक्षनेते असताना देवेंद्र फडणवीस यांनी हा आरोप केला होता. अधिवेशनादरम्यान देवेंद्र फडणवीस यांनी विधानसभेच्या इमारतीत पेन ड्राईव्हचे सादरीकरण केले. या पेन ड्राईव्हमध्ये विशेष सरकारी वकील प्रवीण चव्हाण यांचा सहभाग असलेले स्टिंग ऑपरेशन पकडण्यात आले. ते स्टिंग ऑपरेशन दाखवून फडणवीसांनी महाराष्ट्राच्या राजकारणात नवा बॉम्ब टाकला होता. यातून भाजप नेते गिरीश महाजन यांना गोवण्याचा डाव असल्याचा आरोप करण्यात आला. या प्रकरणाचा तपास सीबीआयकडे सोपवण्यात आला होता. याप्रकरणी सीबीआयने अनिल देशमुख यांच्यावर गुन्हा दाखल केला आहे.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा