Chhagan Bhujbal : श्री गणेशा! महायुतीच्या नेत्यांना बुद्धी द्या, छगन भुजबळांचं बाप्पाला साकडं

मंत्री छगन भुजबळ म्हणाले की, ” देवाने आमच्या महायुतीच्या नेत्यांना,कार्यकर्त्यांना बुद्धी द्यावी. जेणेकरून ते चुकीचे वक्तव्य करणार नाही. आपण सगळे एक आहोत आणि सगळे मिळून विधानसभेला सामोरे जाणार आहोत. कुठल्याही प्रकारचा वाद निर्माण होईल असं नेत्यांनी आणि कार्यकर्त्यांनी वागू नये. आपल्यात भेदभाव आहे. असं चित्र जनतेसमोर आणू नये, एव्हढचं मी सांगेन”. असं भुजबळ यांनी म्हंटलं आहे.
मोठी बातमी, केंद्र सरकारचा पूजा खेडकर यांना धक्का! भारतीय प्रशासकीय सेवेतून केली हकालपट्टी

आमदार संजय गायकवाड यांना टोला

भुजबळ यांनी शिंदे गटाचे आमदार संजय गायकवाड यांना टोला लगावला आहे. ते म्हणाले की, ”भाजप असो किंवा एकनाथ शिंदे यांची शिवसेना असो किंवा अजित पवारांची राष्ट्रवादी असो. महायुतीत सर्वांना न्याय मिळेल. दिल्लीतील नेत्यांनी सर्वांना आश्वासन दिलं आहे. कोणावरही अन्याय होणार नाही. असं दिल्लीच्या नेत्यांनी सांगितले आहे. आमदार आपल्या पद्धतीने बोलत असतील तर यावर माझं काही म्हणणं नाही.” असं भुजबळ म्हणाले आहेत.

अजित पवारांसाठी अमोल मिटकारींचं बाप्पाला साकडं

तर दुसरीकडे अमोल मिकटरी यांनी अजित पवार मुख्यमंत्री व्हावे यासाठी बाप्पाला साकडे घातले आहे ते म्हणाले की, ”सालाबाद प्रमाणे याही वर्षी माझ्या घरी गणपतीचा उत्सव आहे. सर्व धर्म समभाव जपणारा आमचा गणपती आहे. सर्व समाजाची मुलं आमच्या गणपती उत्सवात सहभागी होतात. राज्याचे उपमुख्यमंत्री अजित पवार यांनी दहाव्यांदा राज्याचा अर्थसंकल्प मांडला आहे. त्यामध्ये महिलांसाठी ई -पिंक रिक्षा योजना आहे. मोफत शिक्षणाची सुविधा आहे. शेतकऱ्यांना मोफत विजबील आहे. आणि सर्वात महत्वाची लाडकी बहिण योजना राबवण्यात आली आहे. याच योजनेच्या भरवश्यावर 2024 ची विधानसभा निवडणूक जिंकून अजितदादा पुढच्यावर्षी मुख्यमंत्री होतील आणि बाप्पाची पूजा करतील.असं मिटकरी म्हणाले आहेत.