अजितदादा गटाच्या जिल्हाध्यक्षांची भररस्त्यात हाणामारी; तरुणावर हल्ला, गु्न्हा दाखल

उल्हासनगरच्या कॅम्प नंबर २ मधील मधुबन चौकात क्रिश बजाज या तरुणाची कार बंद पडली होती. ही कार बाजूला घेण्यावरून क्रिश बजाज आणि राष्ट्रवादी जिल्हाध्यक्ष भरत गंगोत्री यांच्यात वाद झाला. या वादात गंगोत्री यांच्या एका साथीदाराला मारहाण करण्यात आली. यानंतर गंगोत्री यांच्यासह त्यांच्या साथीदारांनी क्रिश बजाज याला मारहाण करत तीक्ष्ण हत्याराने हल्ला केला. यात क्रिश जखमी झाला असून त्याच्यावर रुग्णालयात उपचार सुरू आहेत. याप्रकरणी उल्हासनगर पोलीस ठाण्यात भरत राजवानी आणि त्याच्या ५ साथीदारांविरोधात गुन्हा दाखल करण्यात आलाय.