Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

Harshvardhan Patil : हर्षवर्धनभाऊ तुम्ही आता वाजवा तुतारी, बॅनरची इंदापुरात जोरदार चर्चा..

9

Authored byअजित भाबड | महाराष्ट्र टाइम्स.कॉम | Updated: 8 Sept 2024, 8:25 pm

maharashtra election 2024 : हर्षवर्धन पाटील हे भाजप सोडण्याच्या वाटेवरून असून ते लवकरच शरद पवार गटात प्रवेश करणार असल्याची चर्चा सुरू आहे. आता या चर्चांना आणखी जोर येण्याची शक्यता आहे. त्याचं कारण आहे ते म्हणजे इंदापूरमध्ये झळकलेला बॅनर

महाराष्ट्र टाइम्स.कॉम
दीपक पडकर, इंदापूर : हर्षवर्धन पाटील हे भाजप सोडण्याच्या वाटेवरून असून ते लवकरच शरद पवार गटात प्रवेश करणार असल्याची चर्चा सुरू आहे. आता या चर्चांना आणखी जोर येण्याची शक्यता आहे. त्याचं कारण आहे ते म्हणजे इंदापूरमध्ये झळकलेला बॅनर. या बॅनरवर राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष शरद पवार व माजी मंत्री भाजपचे नेते हर्षवर्धन पाटील यांचा एका कार्यक्रमातील सामूहिक फोटो आहे.तसेच त्या बॅनरवर राष्ट्रवादी काँग्रेस शरदचंद्र पवार पक्ष यांचे तुतारी चिन्ह देखील आहे.

बॅनर कोणी लावला हे समजले नसले तरी त्या बॅनर वरील मजकूर हा इंदापूर तालुक्याचे जनतेचे मत व्यक्त करणारा आहे.” इंदापूर तालुक्याच्या जनतेची झाली तयारी! हर्षवर्धनभाऊ तुम्ही आता वाजवा तुतारी”, अशा आशयाचा बॅनर लागला आहे. यामुळे तालुक्यातील राजकारणाला वेगळे वळण येत तर नाही ना..? अशी चर्चा सुरू झाली आहे. आठ दिवसापूर्वी बावडा येथे झालेल्या कार्यकर्त्यांच्या मेळाव्यात देखील कार्यकर्त्यांनी पाटील यांनी तुतारी हाती घ्यावी असा सूर उमटला होता.
Pune : दुसऱ्या लिफ्टने जा, असं म्हणताच डिलिव्हरी बॉयकडून सुरक्षा रक्षकाला मारहाण

गेल्या काही दिवसांपासून हर्षवर्धन पाटील हे शरद पवार यांच्या गटात प्रवेश करतील अशा चर्चा आहे. हर्षवर्धन पाटील आणि शरद पवार यांची पुण्यातील वसंतदादा शुगर इन्स्टिट्यूट मध्ये बैठक देखील पार पडली होती. तर काल मुंबईत मंत्री गिरीश महाजन यांच्या गणरायाच्या आरतीसाठी हर्षवर्धन पाटील गेले. आणि आपण भाजपातच असल्याचा सुतवास त्यांनी केला होता. त्यानंतर आता इंदापूरमध्ये हे बॅनर झळकले आहेत. बॅनर लागल्याने पुन्हा एकदा इंदापूर तालुक्यामध्ये नव्हे तर संपूर्ण जिल्ह्यामध्ये चर्चेचा विषय झाला आहे. नक्की हर्षवर्धन पाटील काय करणार आहे?.. याकडे तालुक्याचे लक्ष लागले आहे.

दरम्यान, येत्या डिसेंबर महिन्यामध्ये विधानसभा निवडणुकीची घोषणा होण्याची शक्यता आहे. त्यामुळे सर्वच राजकीय पक्षांकडून विविध मतदारसंघांवर दावे प्रतीदावे सुरू झाले आहेत. अशातच आता हर्षवर्धन पाटील यांनी देखील इंदापूर विधानसभा मतदारसंघातून निवडणूक लढवण्याची तयारी दर्शवली आहे.

अजित भाबड

लेखकाबद्दलअजित भाबडअजित भाबड, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. अजित यांनी आबासाहेब गरवारे कॉलेजमधून पत्रकारितेची मास्टर्स पदवी मिळवली आहे. त्यांना राजकीय, सामाजिक, अंतरराष्ट्रीय तसेच कृषी क्षेत्रातील विश्लेषणात्मक बातम्या लिहिण्याची आवड आहे…. आणखी वाचा

Source link

Leave A Reply

Your email address will not be published.