अमृत भारत योजनेवरुन श्रेयवादाचे राजकारण; विधानसभेपूर्वीच आजी-माजी खासदारांमध्ये जुंपली

सुरत – भुसावळ महामार्गावर मध्यवर्ती जंक्शन असलेल्या नंदुरबार रेल्वे स्थानकाचा अमृत भारत योजनेअंतर्गत नुकताच समावेश झाला आहे. रेल्वे स्थानकाचा कायापालट करण्यासाठी रेल्वे विभागाकडून 11 कोटीचा निधी उपलब्ध करण्यात आला आहे. या अंतर्गत शहादा तळोदा अक्कलकुवा धडगाव व गुजरात, मध्य प्रदेश कडून परिसरातून येणाऱ्या प्रवाशांच्या सोयीसाठी रेल्वे स्टेशनच्या दुसऱ्या बाजूला अर्थात पटेल वाडी परिसरात अत्याधुनिक सुसज्ज सुविधा असलेल्या तिकीट घर त्यासोबत इतर सुविधा उपलब्ध करून देण्यात येणार आहेत हे निर्माण करत असताना नंदुरबार रेल्वे स्थानकाच्या हेरिटेज वारसा कायम ठेवण्यात येणार असून दुसऱ्या बाजूलाही जुन्या रेल्वे स्थानकाची प्रतिकृती बनवण्यात येणार आहे यासोबत रेल्वे रेल्वे स्थानकाच्या प्लॅटफॉर्म वर येणाऱ्या वयोवृद्ध विकलांग प्रवाशांच्या सोयीसाठी दोन लिफ्ट बसविण्यात येणार आहेत.

रेल्वे स्थानकाचा विस्तार अधिक असल्याने उत्तरेच्या बाजूला असलेल्या पादचारी पुलाचे विस्तारीकरण करण्यात येणार असून त्यातून उपनगर भागातून येणाऱ्या प्रवाशांना आणि नागरिकांना फायदा होणार आहे रेल्वे स्टेशन समोर असलेल्या जागेत रेल्वे विभागाच्या कार्यालयासाठी नवीन इमारत हेरिटेज इमारतीप्रमाणेच तयार करण्याच प्रस्तावित आहे. यासह विविध सुविधा निर्माण केल्या जाणार आहेत. दोन दिवसांपूर्वी खासदार ऍड.गोवाल पाडवी यांनी पाहणी करून रेल्वे विभागातील अधिकाऱ्यांची बैठक घेऊन सूचना दिल्याचे प्रसिद्धी पत्रक काढले. तसेच सोशल मीडियाच्या माध्यमातून याचा श्रेय घेण्याचा प्रयत्न केल्याचे दिसत आहे. तर याबाबत पत्रकार परिषद घेऊन नवीन खासदारांनी दुसऱ्यांच्या कामाचे श्रेय घेऊ नये असे सांगत दहा वर्षाच्या मागणीनंतर या सर्व सोयी सुविधा उपलब्ध होत असून. काँग्रेसच्या जुन्या नेत्यांप्रमाणेच नवे नेतेही खोटे बोलून दुसऱ्याचे कामाचे श्रेय घेण्याचा प्रयत्न करत असून. दुसऱ्यांचे काम स्वतःचे सांगण्यापेक्षा स्वतःचे काय काम आहे असे आवाहन माजी खा. डॉक्टर हिना गावित यांनी लगावला. त्यामुळे नंदुरबार रेल्वे स्थानकावर चा कायापालट होईलच. त्याच्या कामाच्या श्रेयासाठी आजी-माजी खासदारांमध्ये श्रेयवादाची लढाई रंगली आहे.