Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Surya Grahan 2024: सर्वपित्री अमावस्येला वर्षातले दुसरे सूर्यग्रहण! वृश्चिकसह ५ राशींनी सावध राहा! खर्चात वाढ, अपघात होण्याची शक्यता
Surya Grahan 2024 Negative Impact : 2 ऑक्टोबर 2024 रोजी रात्री या वर्षातील दुसरे सूर्यग्रहण होणार आहे. या आधी 8 एप्रिलला सूर्यग्रहण लागले होते पण 2 ऑक्टोबरला लागणारे सूर्यग्रहण अनेक अर्थांनी खास मानले जात आहे. याची सर्वात मोठे कारण म्हणजे या दिवशी सर्वपित्री अमावस्या आहे. तसे पाहिले तर भारतातून हे सूर्यग्रहण दिसणार नाही. पण जे लोक अमेरिका, ब्राझील, मेक्सिको, चिली, पेरू आणि न्यूझीलंडमध्ये राहतात, तिथे हे ग्रहण दिसणार आहे. या देशाता राहणाऱ्या भारतीय नागरिकांना ग्रहणाचे नियम लागू होतील. तसेच येथे राहणारे भारतीय लोक जे सर्वपित्री अमावस्येला पिंडदान किंवा तर्पण करतील त्यांना ग्रहणाच्या विशेष नियमांचे पालन करावे लागेल. हे सूर्यग्रहण कन्या राशीत होणार असून ग्रहणाच्या वेळी सूर्यावर राहूची पूर्ण दृष्टी असेल. तसेच शनीसोबत सूर्याचा षडाष्टक योग देखील बनेल आणि केतूही सूर्याबरोबर उपस्थित असेल. अशा परिस्थितीत, हे सूर्यग्रहण कोणत्या राशींवर प्रतिकूल प्रभाव टाकेल, याबद्दल सविस्तर माहिती जाणून घेऊया.
मेष राशीवर सूर्यग्रहणाचा प्रभाव
मेष राशीच्या लोकांसाठी हे सूर्यग्रहण नकारात्मक परिस्थिती घेवून येण्याची शक्यता आहे. त्यामुळे आर्थिक नुकसान आणि अनावश्यक खर्च होण्याची शक्यता आहे. तुम्ही विरोधकांपासून आणि वादविवादांपासून दूर राहण्याचा प्रयत्न करा अन्यथा तुम्ही एखाद्या कट कारस्थानाला बळी पडू शकता. गाडी वेगाने चालवणे आणि गर्दीच्या ठिकाणी जाण्याचे शक्यतो टाळावे.
मिथुन राशीवर सूर्यग्रहणाचा प्रभाव
मिथुन राशीच्या लोकांसाठी सूर्यग्रहण जीवनात नकारात्मक घेऊन येऊ शकते. महत्त्वाच्या प्रकल्पांमध्ये अचानक अडथळे येतील किंवा अनावश्यक वाद-विवादांमुळे कायदेशीर प्रकरणे किंवा दंड भरावा लागू शकतो. विरोधकांकडून अपमान आणि पराभव होऊ शकतो. आरोग्याची काळजी घ्या, कारण अचानक एखादा आजार डोके वर काढणार आहे.
कर्क राशीवर सूर्यग्रहणाचा प्रभाव
कर्क राशीच्या लोकांसाठीही नकारात्मक परिस्थिती निर्माण होवू शकते. तुमच्या कामामध्ये किंवा प्रकल्पांमध्ये यश मिळवण्यासाठी कष्ट करावे लागतील. मित्र आणि वरिष्ठांसोबत वादविवाद करू नको. मुलांशी मतभेद होऊ शकतात दरम्यान या कालावधीत आध्यात्मिकतेकडे तुमचा कल वाढू शकतो. पैशांशी संबंधित आणि गुंतवणुकीच्या बाबतीत कोणतेही निर्णय घेणे टाळावे.
वृश्चिक राशीवर सूर्यग्रहणाचा प्रभाव
वृमश्चिक राशीच्या लोकांसाठी हा काळ नकारात्मकता वाढवणारा ठरू शकतो. जुगार, सट्टेबाजी आणि जोखीम असलेल्या प्रकल्पांपासून दूर राहण्याचा प्रयत्न करा. मानसिक गोंधळ निर्माण होऊ शकतो, त्यामुळे कोणत्याही करारावर स्वाक्षरी करण्यापूर्वी तो व्यवस्थित वाचण्याची काळजी घ्या. मुलांच्या आरोग्याची काळजी घेणे अत्यंत महत्त्वाचे आहे. तसेच कार्यस्थळी वरिष्ठांशी वादविवाद टाळा, ते तुमच्या हिताचे आहे. तुमच्या कामावर लक्ष केंद्रित करा, अगदी छोटी चूक महागात पडू शकते. प्रत्येक गोष्ट इतरांशी शेअर करणे टाळावे.
मीन राशीवर सूर्यग्रहणाचा प्रभाव
मीन राशीच्या लोकांचा आत्मविश्वास या काळात कमी होण्याची शक्यता आहे. ज्यामुळे महत्त्वाचे निर्णय घेणे आव्हानात्मक होऊ शकते. आरोग्याशी संबंधित त्रास आणि मानसिक ताण वाढण्याची शक्यता आहे. त्यामुळे काही दिवस नवीन प्रकल्प घेणे किंवा नवीन काम सुरु करणे तुम्ही शक्यतो टाळालयला हवे. अचानक काही निर्णय घेण्याची वेळ येऊ शकते, ज्याबद्दल तुम्ही कधी विचारही केला नसेल. अनावश्यक खर्चाला तुम्हाला सामोरे जावे लागू शकते, त्यामुळे प्रत्येक गोष्ट विचारपूर्वक करायला हवी.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा