झाडावर चढला अन् घाबरला, बिबट्या २० फूटांवर अडकला, Video होतोय व्हायरल

रत्नागिरी : अनेकदा बिबट्या म्हटलं की धडकी भरते, बिबट्या झाडावरही सहज चढतो पण हाच बिबट्या झाडावर अडकून पडल्याची घटना भालावली राजापूर येथे घडली आहे. हा सगळा प्रकार शनिवारी घडला. पांडुरंग गणेश केळकर यांचे मालकी जागेत आंब्याच्या झाडावर २० फुट अंतरावर तारे मध्ये वन्यप्राणी बिबट्या अडकल्याची माहिती अमोल नार्वेकर यांनी दुपारी २.१० वा. परिमंडळ वन अधिकारी राजापूर यांना दूरध्वनी वरून कळवले. वनविभागाचे अधिकारी कर्मचारी आणि रेस्क्यू टीमचे पदक घटनास्थळी दाखल झाले.

घटना परिक्षेत्र वन अधिकारी रत्नागिरी प्रकाश सुतार यांना कळवून, त्यांचे समवेत डॉ.श्री स्वरूप काळे,पशुधन विकास अधिकारी रत्नागिरी, डॉ.श्री संतोष भिकाजी वाळवेकर, वन्यजीव पशुवैद्यक व पशुशल्य चिकित्सक कोल्हापूर, अमित कुंभार, तेजश कांबळे, कोल्हापूर वनपाल राजापूर, वनरक्षक राजापूर व रेस्क्यू टीमसह घटनास्थळी जाऊन पाहणी केली असता तारेच्या फासकित अडकलेल्या बिबट्या हा आंब्याच्या झाडावर साधारण 20 ते 25 फुट उंचावर सकाळपासून अडकलेल्या स्थितीत असल्याचा अंदाज आला.

वय अंदाजे एक ते दिड वर्ष वयाचा हा बिबट्या होता. हे रेस्कु ऑपरेशन गिरीजा देसाई विभागीय वनाधिकारी चिपळूण रत्नागिरी मा. विभागीय वनअधिकारी रत्नागिरी (चिपळूण) श्रीमती गिरिजा देसाई व सहाय्यक वनसंरक्षक चिपळूण श्रीमती प्रियांका लगड, यांच्या मार्गदर्शनाखाली जिल्ह्यातील व संरक्षक पदाधिकारी व कर्मचाऱ्यांनी यांनी आता का प्रयत्नानंतर यशस्वी करून बिबट्यास त्याचे नैसर्गिक अधिवासात मुक्त करण्यात आले.

बिबट्यास रेस्क्यू करण्यासाठी ट्रक्युलाईन गनचा वापर करून रेस्कु करणे जागेवरील परिस्थिती नसल्याने व बिबट्या सुस्थितीत असल्याचे पशुधन विकास अधिकारी, वन्यजीव पशुवैद्य व पशुशल्य शल्यचिकित्सक, तसेच वनपरिक्षेत्र अधिकारी यांनी खात्री केली. या रेस्क्यू ऑपरेशनमध्ये विभागीय वनअधिकारी गिरिजा देसाई व चिपळूण येथील सहाय्यक वदर्शक प्रियंका लगड यांच्या मार्गदर्शनाखाली वनक्षेत्रपाल रत्नागिरी प्रकाश सुतार, वनपाल राजापूर जयराम बावदाणे, वनपाल पाली न्हानु गावडे , वनपाल लांजा सारीक फकीर, वनरक्षक रत्नागिरी श्री प्रभू साबणे, वनरक्षक जाकादेवी श्रीमती शर्वरी कदम, वनरक्षक राजापूर श्री. विक्रम कुंभार, वनरक्षक कोर्ले श्रावणी पवार, वनरक्षक गुहागर शिंदे, वनरक्षक चिपळूण राहुल गुंठे आणि रेस्क्यू टीमचे महेश धोत्रे, तांबोळी, विजय म्हादये, दीपक म्हादये, नितेश गुरव, निलेश म्हादये यांनी ग्रामस्थांच्या मदतीने सहभाग घेत ही मोठी कामगिरी यशस्वी केली.