जरांगेंकडे उमेदवारीची मागणी, महंत तुकोजी बुवा आता राजकीय आखाड्यात उतरणार! जाणून घ्या यांच्याविषयी

माजी नगरसेवक सज्जन साळुंखे हे सुद्धा मराठा समाजाकडून इच्छुक असून त्यांनी मनोज जरांगे पाटील यांची भेट सुद्धा घेतली आहे. तुळजापूरात विधानसबा मतदारसंघात यंदा भाजपचे विद्यमान आमदार राणा जगजीतसिंह पाटील तसेच महाविकास आघाडीचे काँग्रेसचे उमेदवार एडवोकेट धीरज कदम पाटील आणि वंचित बहुजन आघाडीच्या उमेदवार डॉक्टर स्नेहा सोनकाटे हे निवडणुकीच्या रिंगणात आहेत.
भाजपने सलग तीन वेळा निवडून आलेल्या आमदाराचं तिकीट कापलं, ढसाढसा रडले; मतदारसंघात नवा शिलेदार कोण?
उजनी धरणाचे पाणी, तुळजापूर शहराचा विकास तसेच मराठा आरक्षण, मुस्लिम आरक्षण व इतर आरक्षणचे मुद्दे व विकासाचा दृष्टिकोन असणारा नेता तुळजापूर शहरातून उमेदवार असावा असा निश्चय तुळजापूर शहरातील विनोद पिटू गंगणे मित्र मंडळ यांनी केला आहे.

यापूर्वी दिवंगत आमदार साहेबराव हंगरगेकर हे काँग्रेसकडून दोन वेळा तुळजापूर मतदारसंघाचे प्रतिनिधीत्व केले आहे. तर शेतकरी कामगार पक्षाकडून माजी आमदार कैलासवासी माणिक खपले हे तीन वेळा आमदार होते. तुळजापूर शहरातील हे स्वगृहातील दोनच व्यक्ती आमदार होऊ शकले आता तुळजापूरकरांना वाटतंय की, तुळजापूरातील उमेदवार असावा आणि हा उद्देश ठेवून महंत तुकोजी बुवा यांना पुढे करण्यात आले आहे. आता मनोज जरांगे पाटील हे काय निर्णय घेतात याकडे तुळजापूरकरांचे लक्ष लागले आहे. त्यांनी जर उमेदवारी दिली तरच महंत तुकोजी बुवा हे निवडणूक रिंगणात उतरणार असल्याचे ठरवण्यात आले आहे.