पती रवी राणांचा अर्ज भरताना नवनीत राणा झाल्या भावूक; केले मोठे वक्तव्य, माझ्या पराभवामुळे…

रवी राणा यांनी रॅलीकाढून शक्तीप्रदर्शन केले आणि अर्ज दाखल केला. अर्ज दाखल करण्याआधी झालेल्या सभेत बोलताना माजी खासदार नवनीत राणा यांनी लोकसभा निवडणुकी झालेल्या पराभवाबद्दल भाष्य केले. राजापेठ येथे झालेल्या सभेत बोलताना त्या म्हणाल्या, माझ्या लोकसभा निवडणुकीच्या वेळी काही लोक आले आणि त्यांनी मतांचे विभाजन केले. विरोधीपक्षांना माहिती होते की या बाईचा पराभव करने सोपे नाही. तिच्या मागे सर्वात जास्त मातृशक्तीचा विश्वास होता. ज्या उमेदवाराच्या मागे सर्व युवाशक्तीची ताकद होती. ज्या उमेदवाराच्या मागे महायुतीची आणि देशाचे पंतप्रधान नरेंद्र मोदी यांची ताकद होती, त्या बाईचा पराभव करने सोपे नव्हते. म्हणून बरेच लोक हातात संविधान घेऊन निघाले होते.
देवेंद्र फडणवीस हे आधुनिक युगातले जनरल डायर; रोहित पवारांची सडकून टीका, भाजपच्या सर्व्हेचा म्हणतो- आमचा उमेदवार…
लोकसभा निवडणुकीत आपला पराभव होण्यासाठी अनेकांनी प्लॅनिंग केल्याचा आरोप नवनीत राणा यांनी यावेळी केला. आपल्या पराभवामुळे अमरावती १५ वर्ष मागे गेल्याचा दावा त्यांनी यावेळी केला.
ज्येष्ठ नेते शरद पवारांनी अजित पवारांची डोळे पुसण्याची केली नक्कल; पाहा कन्हेरीतील सभेत नेमके काय घडले
महायुतीच्या जागावाटपात बडनेरा मतदारसंघ हा युवा स्वाभिमानी पक्षाला सोडण्यात आला आहे. असे असले तरी महायुतीतील भाजपचे तुषार भारतीय यांनी बंडखोरी करत अर्ज दाखल केला आहे. त्यामुळे या मतदारसंघात राणा यांना भाजपचे नेत्याविरुद्ध लढावे लागणार असल्याचे चित्र आहे. रवी राणा यांनी गेल्या ३ निवडणुकी या मतदारसंघातून विजय मिळवला आहे. २०१९च्या निवडणुकीत त्यांनी शिवेसनेच्या प्रिती बंड यांचा १५ हजारहून अधिक मतांनी पराभव केला होता. आता यावेळी विजयाच्या चौकारासाठी ते मैदानात उतरले आहेत.
अनेकांना उपमुख्यमंत्री केले, पण सुप्रियाला एकही पद दिले नाही; शरद पवारांचा अजितदादांना टोला- सर्व सर्वाधिकार दिले मात्र…
या निवडणुकीसाठी आपल्याला खास रणनीती ठरवण्याची गरज नसल्याचे सांगत राणा यांनी आपण पाच वर्ष जनतेत राहिल्याचे सांगितले. तर तुषार भारतीय यांनी आपण गेल्या ४० वर्षापासून पक्ष वाढीसाठी काम केल्याचे म्हटले.