आम्हाला पब चालू ठेवायचा पोलिस आयुक्तांचा आदेश; पुण्यात पब मालकाची मुजोरी, पोलिसांनाच धमकी

By tejpolicetimes On Oct 30, 2024

Pune Bowler Pub Owner Threat Police: कल्याणीनगर पोर्शे कार अपघात प्रकरणात एका तरुण आणि तरुणीचा निष्पाप बळी गेला होता. विशाल अग्रवालचा मुलगा वेदांत अग्रवाल याने आपल्या लक्झरी पोर्शे कारने दोन जणांना चिरडलं होतं.

हायलाइट्स:
आम्हाला पब चालू ठेवायचा पोलिस आयुक्तांचा आदेश
पुण्यात पब मालकाची मुजोरी
पोलिसांनाच धमकी; नेमकं काय घडलं?

Lipi

पुणे बॉलर पब मालक पोलिस धमकी

आदित्य भवार, पुणे : कल्याणीनगर पोर्शे कार अपघातानंतर बेछूट पब चालणाऱ्या मालकांवर जरब बसेल अशी शक्यता असताना, पब मालक थेट पुण्याच्या पोलिस आयुक्तांच्या नावाने धमक्या देत पब रात्री उशिरापर्यंत सुरू ठेवत आहे. बेकायदेशीरपणे रात्री २ ते ३ वाजेपर्यंत पुण्यातला प्रसिद्ध बॉलर पब सुरू होता. दरम्यान, नोटीस द्यायला गेलेल्या पोलीस कर्मचाऱ्याच बॉलर पबचा मालक हेरम शेळके याने पोलिस आयुक्त अमितेशकुमार यांच्या नावाने धमकी दिली आणि पोलिस कर्मचाऱ्याला हटकलं. या प्रकरणी येरवडा पोलीस ठाण्यात गुन्हा दाखल करण्यात आला आहे. येरवडा पोलिस ठाण्याच्या पोलिस कर्मचाऱ्याने या प्रकरणी फिर्याद दिली आहे. त्यानुसार गुन्हा दाखल करण्यात आला आहे. कल्याणीनगर पोर्शे कार अपघात प्रकरणात एका तरुण आणि तरुणीचा निष्पाप बळी गेला होता. विशाल अग्रवालचा मुलगा वेदांत अग्रवाल याने आपल्या लक्झरी पोर्शे कारने दोन जणांना चिरडलं होतं. हे दोघंही जण बॉलर पब मधूनच रात्री उशिरा बाहेर आले होते. त्यानंतर सर्व सामान्य नागरिकांनी प्रचंड रोष व्यक्त केला होता. पुण्यात या घटनेनंतर मोर्चे देखील नोघाले होते. पोलिस आयुक्तांनी खबरदारी घेत पब चालक मालकांना सक्त गाईडलाईन्स घालून दिल्या होत्या. परंतु काही महिन्यानंतर वेगळंच चित्र समोर आलं आहे. या अपघातानंतर राज्य उत्पादन शुल्क विभागाने बरचसे पब उदवस्त देखील केले होते. दरम्यान, अपघात करणाऱ्या विशाल अग्रवालचा मुलगा वेदांत अग्रवाल अल्पवयीन असल्यामुळे त्याला जमीन मिळाला. तर विशाल अग्रवाल आणि त्याची पत्नी शिवानी अग्रवाल कोठडीत आहेत. मात्र एवढी मोठी दुर्घटना घडल्यानंतरही पब मालकांना अद्दल घडलेली दिसत नाहीय. चक्क पब मालकचं थेट पोलिस आयुक्तांच्या नावाने पोलिस कर्मचाऱ्यांना धमक्या देत आहे.

Vidhan Sabha Nivadnuk: श्रीरामपूर ते बदनापूर, मित्रपक्षच समोरासमोर, युती-आघाडीत कुरघोड्या, कोणकोणत्या मतदारसंघांत चुरस?

मिळालेल्या माहितीनुसार, रविवारी रात्री उशिरा बॉलर पब सुरू होता. पबमध्ये ५०० ते ६०० लोकांना मध्य आणि खाद्यपदार्थ दिले जात होते. अशी माहिती मिळाल्यानंतर येरवडा पोलिस ठाण्यातील कर्मचारी कायदेशीर कारवाईसाठी गेले असताना पब मालक हेरंब शेळके याने थेट पोलिसांना सांगितलं की, ”आम्हाला पब चालू ठेवायला पोलिस आयुक्त सरांनी आदेश दिला आहे. तुम्ही आम्हाला त्रास दिला तर तुमची तक्रार आम्ही पोलिस आयुक्तांकडे करू”, अशी धमकी पोलिस कर्मचाऱ्याला दिली. त्यानुसार फिर्यादी पोलीस यांनी शासकीय कामात अडथळा आणल्या प्रकरणी गुन्हा दाखल केला आहे.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा

Source link