कॉंग्रेसचा उमेदवार जाहीर, तरीही ठाकरे गटाकडून उमेदवाराला एबी फॉर्म; नांदेडमध्ये चाललंय काय?

फॉर्म रद्द करण्याचे पत्र व्हायरल

दरम्यान, संगिता पाटील डक यांना शिवसेना (उबाठा) पक्षाचे अधिकृत उमेदवार म्हणून आवश्यक असलेले फॉर्म ‘अ’ आणि ‘ब’ देण्यात आलेले रद्द करण्यात यावेत, अशा विनंतीचे मुख्य निवडणूक अधिकारी यांना दिल्याचे पत्र सोशल मीडियावर व्हायरल झाले आहे. यावर या पक्षाचे सचिव खासदार अन‍िल देसाई यांची स्वाक्षरी आहे. त्यामुळे संभ्रम निर्माण झाला आहे. आता या पत्रानुसार संगिता पाटील डक यांची ठाकरे गटाची उमेदवारी कायम राहणार की रद्द होणार की काँग्रेसकडून अब्दुल सत्तार आणि ठाकरे गटाकडून संगीता पाटील लढणार हे पाहावे लागणार आहे.

ठाकरे गटाकडून निवडणूक लढवणार

शिवसेना (उबाठा) पक्षाकडून बी फॉर्म सोमवारी मिळाला असून ही निवडणूक मी लढविणार आहे असं संगीता पाटील डक स्पष्ट केले. एबी फॉर्म बाबत पक्षाकडून गोपनियता पाळण्यात आली असून सध्या जाहीर झालेल्या उमेदवाराबद्दल मला काही माहिती नाही असं त्या म्हणाल्या. त्यामुळे नांदेड उत्तर मतदार संघात काँग्रेस आणि शिवसेना ठाकरे गटाचे उमेदवार आमने सामने असणार आहेत