आर आर रा… आबांच्या लेकाला पाडण्यासाठी ‘खतरनाक’ प्लान; तासगावात ‘रायगड पॅटर्न’

राष्ट्रवादी काँग्रेसमध्ये फूट पडल्यानंतर तासगावच्या आमदार सुमन पाटील यांनी शरद पवारांच्या गटात राहण्याचा निर्णय घेतला. त्या माजी उपमुख्यमंत्री आर. आर. पाटील यांच्या पत्नी आहेत. यंदा सुमन पाटील यांचे पुत्र रोहित पाटील निवडणूक लढवत आहेत. रोहित पाटील पहिल्यांदाच विधानसभा निवडणूक लढवत आहेत. त्यांच्यासमोर माजी खासदारांचं आव्हान आहे. आर. आर. पाटील आणि संजय काका पाटील यांच्यातला संघर्ष जिल्ह्याला नवा नाही.
Maharashtra Election 2024: मंत्रालयात फडणवीसांची नेमप्लेट तोडणाऱ्या महिलेचा उमेदवारी अर्ज; त्यात भाजपचा उल्लेख, पण…
तासगाव कवठे महाकाळमध्ये एकूण ३३ उमेदवार रिंगणात आहेत. विशेष म्हणजे त्यात ४ जण रोहित पाटील आहे. यातील एक रोहित पाटील शरद पवारांचे उमेदवार आहेत. तर अन्य तीन रोहित पाटील यांच्यापैकी दोघांच्या नावांचा इंग्रजी आद्याक्षरानुसार उच्चार आर. आर. पाटील असाच होतो. या नामसाधर्म्यामुळे शरद पवारांचे शिलेदार असलेल्या रोहित पाटील यांची गोची होण्याची शक्यता आहे. हे तिघेही रोहित पाटील अपक्ष उमेदवार म्हणून रिंगणात आहेत.
नांदगावात सुहास कांदे वि. सुहास कांदे, शिंदेंच्या आमदाराचे वांदे; भुजबळांचा डाव, सेनेसमोर पेच
तासगावात ‘रायगड पॅटर्न’
नामसाधर्म्य असलेला उमेदवार देऊन प्रतिस्पर्धी उमेदवाराला अडचणीत आणण्याची खेळी राजकारणात अनेकदा केली जाते. २०१४ मध्ये याच खेळीनं लोकसभा निवडणुकीत रायगडमध्ये राष्ट्रवादी काँग्रेसचे उमेदवार सुनील तटकरे यांचा निसटता पराभव झाला होता. अटीतटीच्या निवडणुकीत ते शिवसेनेचे उमेदवार अनंत गीते यांच्याकडून पराभूत झाले होते.

२०१४ मध्ये झालेल्या लोकसभा निवडणुकीत राष्ट्रवादीच्या तटकरे यांना ३ लाख ९४ हजार ०६८ मतं मिळाली होती. तर सेनेच्या गीते यांना ३ लाख ९६ हजार १७८ मतं पडली होती. तटकरे अवघ्या २ हजार ११० मतांनी पराभूत झाले. त्यावेळी अपक्ष लढलेल्या सुनील तटकरे नावाच्या उमेदवाराला ९ हजार ८४९ मतं मिळाली होती. याच मतांमुळे तटकरेंचा पराभव झाला.