उद्धव ठाकरेंच्या पक्षाचे नाव आणि चिन्ह घेतलं हे चुकलं, अमित ठाकरेंचे मोठे विधान

शिवसेनेचे ४० आमदार बाळासाहेबांच्या विचारावर चालणारे होते. शिंदेंनी एकट्याने हा निर्णय घेतला नसून सर्व आमदारांनी मिळून हा निर्णय घेतला. आमदारांसाठी असा निर्णय घेणं खूप मोठी गोष्ट होती. हा निर्णय घेण्यासाठी त्यांना अडीच वर्षाचा काळ गेला. त्यांचा हा निर्णय बरोबर होता पण पक्षाचे नाव आणि चिन्ह घेतलं ते चुकलं. मी एक नागरिक म्हणून राजकारण पाहत आहे तर मला हे कुठेतरी चुकीचे वाटत आहे. बाळासाहेबांचे चिन्ह आहे, त्यांनी ते लोकांच्या मतांमधून कमावलेलं आहे. त्याला हात नव्हता घालायला पाहिजे असं मला वाटत असल्याचं अमित ठाकरे म्हणाले.

लाडकी बहीण योजनेबाबत अमित ठाकरे काय म्हणाले?

योजना कधीपर्यंत राबवणार आहात. जर तुमची सत्ता नाही आली तर पुढे त्या योजनांचे काय होणार आहे. देवालाही माहित नाही कोणाच्या किती जागा येतील. फुकट पैशाची सवय लागतो, मुलीही म्हणतील काही केलं नाहीरी पैसे मिळत आहेत पण योजना मध्येच बंद झाली तर पुढचा प्लॅन काय? लाडकी बहीणीला जिथे बलात्कार होतात तेव्हा लक्ष दिलं गेलं पाहिजे, अस अमित ठाकरे म्हणाले.

दरम्यान, अमित ठाकरे यांनी बोलताना शिंदे गटाने ठाकरेंच्या पक्षाचे नाव आणि चिन्ह सोडून मोठी चुक केल्याचं म्हटलं आहे. यावरून वातावरण पेटण्याची शक्यता आहे. ठाकरे गटाने माहीममध्ये उमेदवार देण्याबाबत बोलतान ठाकरे असं करतील ही अपेक्षा असल्याचंही अमित ठाकरे यांनी म्हटल आहे.