निवडणुकीच्या काळात नदीच्या पुलाखाली काय सापडलं? पोलिसांच्या चौकशीत समोर आली धक्कादायक गोष्ट

वेणा नदीच्या पुलाखाली शेकडो आधारकार्ड

दुसरीकडे या कार्डांचे खरे मालक त्यांची वाट पाहत आहेत. मात्र टपाल खात्याच्या कर्मचाऱ्यांनी त्यांची आधारकार्ड वेणा नदीच्या पुलाखाली फेकून दिली आणि निघून गेले असल्याचं सांगण्यात येत आहे. या ठिकाणी काही कागदपत्रंही जळाल्याचीही चर्चा आहे. हिंगणा पोलिसांनी हे आधारकार्ड ताब्यात घेतलं असून याप्रकरणी अधिकारी आणि कर्मचाऱ्यांची चौकशी सुरू आहे.
Sindhudurg News : भाजप बंडखोराच्या कारवर हल्ला, कारवर बांबू मारला,आरोपी कोण? धक्कादायक माहिती समोर
आधार कार्ड आणि इतर कागदपत्रे, ज्यात भारत सरकार आणि महाराष्ट्र सरकारशी संबंधित कागदपत्रं देखील आहेत. हिंगणा पोलिसांना याबाबत माहिती मिळताच पोलिसांचं पथक घटनास्थळी पोहोचलं. त्यांनी सर्व कागदपत्रं एका गोणीत भरून ती जप्त करून पोलीस ठाण्यात नेली. हिंगणा एसएचओ जितेंद्र बोबडे यांच्या मार्गदर्शनाखाली या प्रकरणाचा तपास सुरू करण्यात आला आहे.

पोलिसांकडून चौकशी सुरू

वानाडोंगरी येथील टपाल कार्यालयात गेल्या एक वर्षापासून मोठ्या प्रमाणात वितरीत न झालेली आधार कार्ड पडून होती. हीच आधार कार्ड कर्मचाऱ्यांनी कुठेही वाटली नसून, त्यांनी ती नदीपात्रात फेकली असावी, अशी भीती पोलिसांनी व्यक्त केली आहे. याप्रकरणी पोलीस पोस्ट ऑफिसचे अधिकारी आणि कर्मचाऱ्यांची चौकशी करत आहे.

विधानसभा निवडणुका सुरू झाल्या आहेत. अशा स्थितीत आधार कार्डसारखी अत्यंत महत्त्वाचं कागदपत्र अशा प्रकारे सापडल्याने टपाल विभागातील अधिकारी-कर्मचाऱ्यांच्या गलथान कारभाराचा पर्दाफाश होत आहे. ज्या टपाल खात्याचे अधिकारी किंवा कर्मचाऱ्यांमुळे नागरिकांची आधारकार्ड त्यांच्या घरी पोहोचवण्याऐवजी पुलाखाली सापडले, त्यांच्यावर कायदेशीर कारवाई करावी, अशी मागणी नागरिक करत आहेत.