नार्वेकरांच्या भेटीला शिंदेंचा शिलेदार, बदलापुरात राजकीय डाव, ठाकरेंचा मुख्यमंत्र्यांवर घाव?

‘दरवर्षीप्रमाणे दिवाळीनिमित्त मिलिंद नार्वेकर यांची भेट घेत त्यांना शुभेच्छा दिल्या, या भेटीत जुन्या आठवणींना उजाळा मिळाला आणि राजकीय घडामोडींवरही चर्चा झाली’, असं वामन म्हात्रे यांनी पोस्टमध्ये म्हटलं आहे. मात्र भेटीमागे वेगळाच डाव रंगल्याची चर्चा आहे.

मुरबाड मतदारसंघ महायुतीत शिवसेनेला मिळावा, अशी मागणी वामन म्हात्रे आणि सुभाष पवार यांनी मुख्यमंत्री एकनाथ शिंदे यांची भेट घेत केली होती. मात्र महायुतीने भाजपच्या किसन कथोरे यांनाच पुन्हा संधी दिल्यामुळे नाराज झालेले म्हात्रे हे बंडखोरीच्या पवित्र्यात होते. मात्र त्यांनी बंडखोरी केली नाही.

दुसरीकडे सुभाष पवार यांनी मात्र पक्षांतर करत राष्ट्रवादी काँग्रेस : शरदचंद्र पवार गटाकडून उमेदवारी मिळवली. त्यामुळे बदलापूरात किसन कथोरे विरुद्ध सुभाष पवार अशी निवडणूक रंगणार आहे. अशात वामन म्हात्रे हे महाविकास आघाडीचे उमेदवार सुभाष पवार मदत करत नाही ना, असा सवाल उपस्थित केला जातो आहे. मिलिंद नार्वेकर यांची भेट घेतल्याने अजूनच चर्चांना उधाण आले आहे.

Devendra Fadnavis : भाजपात दोन मोठे पक्षप्रवेश, मुंबईतले दोन डेंजर झोनमधले आमदार फडणवीसांनी केले सुरक्षित!
दरम्यान, दांडगा जनसंपर्क आणि राजकीय डावपेचांच्या कलेवर स्वतःचा प्रभाव तयार करणारे मुरबाड विधानसभा मतदारसंघाचे आमदार किसन कथोरे यांच्यासाठी यंदाची विधानसभा निवडणूक खडतर असल्याचं बोललं जात आहे.
Ravi Raja : नऊ दिवस दिल्लीत, भेट दहा मिनिटांची, रवी राजांच्या पक्षांतराचं कारण काँग्रेस नेत्याने सांगितलं

वामन म्हात्रे आणि सुभाष पवार यांचे मैत्रीपूर्ण संबंध

आधी एकनाथ शिंदे यांच्या शिवसेनेत असलेले आणि सध्या महाविकास आघाडीचे उमेदवार असलेले सुभाष पवार यांचे वामन म्हात्रे यांच्याशी मैत्रीपूर्ण संबंध आहेत. त्यामुळे वामन म्हात्रे यांनी अचूक टायमिंग साधत या पोस्टमधून अप्रत्यक्षपणे काही संकेत दिल्याची चर्चा बदलापूरमध्ये रंगली आहे.