Ajit Pawar : ‘गोविंद बागेतील गर्दी कमी करण्यासाठी…’; अजित पवार नेमकं काय म्हणाले?

गर्दी एका ठिकाणी जास्त होते आणि लोकांना ताटकळ थांबावे लागते. आपण काम कशासाठी करतो, जनतेसाठी जनतेचा त्रास कमी करण्यासाठीच हा निर्णय घेतला आहे. पाठीमागे एक एक किलोमीटरपर्यंत रांगा लागायच्या लोकांची सोय करण्यासाठीच हा पाडव्याचा कार्यक्रम हाती घेतला आहे. पहिला पाडवा वर्षानुवर्ष काटेवाडीतच साजरा केला जात होता. जुन्या लोकांना माहित असल्याचं अजित पवार यांनी म्हटलं आहे.

राष्ट्रवादी काँग्रेस अजित पवारांच्या पक्षाने काही ठिकाणी महायुतीच्या उमेदवारांना विरोधात एबी फॉर्म दिलेले आहेत आणि त्या ठिकाणी महायुतीतच दोन दोन उमेदवार झालेले आहेत. या पार्श्वभूमीवर अजित पवार म्हणाले, पुढील तीन दिवस सुट्टी आहे. चार नोव्हेंबर रोजी अर्ज माघारी घेण्याचा शेवटचा दिवस आहे, त्यापूर्वी आम्ही देवेंद्र फडणवीस आणि एकनाथ शिंदे एकत्र बोलणार आहोत. त्यावेळी पुढील निर्णय ठरेल.

दरम्यान, अजित पवार वेगळे झाल्यावर हा दुसरा पाडवा असून मागील वर्षी प्रतापराव पवारांच्या घरी सर्व कुटुंबिय जमले होते. यंदाच्या पाडव्याला गोविंदबागेत मात्र तुफान गर्दी पाहायला मिळाली. पवारांचे समर्थक आज गोविंदबागेमध्ये मोठ्या प्रमाणात येतात आणि पवारांची भेट घेतात. आज गोविंद बागेत कार्यकर्त्यांनी मोठी गर्दी केल्याचं पाहायला मिळाली. लोकांना बसायला जागा मिळाली नाही इतक्या मोठ्या प्रमाणात गर्दी झालेली, लोकसभेला मिळालेल्या यशानंतर पवारांकडे समर्थकांचा ओढा वाढलेला दिसत आहे. आजित दादाही दिवाळी पाडवा घेणार आहेत.