तुम्ही मला न्याय देणार होतात ना? शाहू महाराजांना एक फोन अन् मधुरिमांचा अर्ज मागे; काय घडलं?

काँग्रेसनं कोल्हापूर उत्तरमधून आधी राजेश लाटकरांना तिकीट दिलं होतं. पण त्यानंतर काही माजी नगरसेवकांनी त्यांच्याविरोधात तक्रारी केल्या. त्यांच्या उमेदवारीस विरोध दर्शवला. यानंतर पक्षानं लाटकरांचं तिकीट कापून खासदार शाहू महाराज यांच्या सूनबाई मधुरिमाराजे यांना संधी दिली. पण त्यांनी ऐनवेळी माघार घेतल्यानं पक्षाची गोची झाली. सतेज पाटील यांना विश्वासात न घेता हा सगळा प्रकार झाला. त्यामुळे त्यांचा प्रचंड संताप झाला. या सगळ्या घटनाक्रमाचे साक्षीदार असलेले ठाकरे गटाचे माजी नगरसेवक सुनील मोदी यांनी संपूर्ण प्रकार कथन केला. तो त्यांच्याच शब्दांत खाली देत आहोत.
Satej Patil: शाहू महाराजांसमोर मधुरिमांची माघार, सतेज पाटील भडकले; कोल्हापुरातील राड्यामागे खरं कारण काय?
कोल्हापूर उत्तरमध्ये सुरुवातीला राजेश लाटकरांची उमेदवारी जाहीर झाली होती. पण काही अपरिहार्य कारणांमुळे ती उमेदवारी बदलली गेली आणि मधुरिमा राजे यांची उमेदवारी जाहीर झाली. राजेश लाटकरांनी अपक्ष म्हणून अर्ज भरला होता. तो त्यांनी मागे घ्यावा अशी विनंती करण्यासाठी स्वत: शाहू महाराज, मालोजीराजे आणि मधुरिमाराजे १ तारखेला त्यांच्या घरी भेटायला गेले होते. त्यावेळी मी तिथे उपस्थित होतो.