Maharashtra Live News Today : वाचा बुधवार ६ नोव्हेंबर २०२४ च्या सर्व ब्रेकिंग न्यूज आणि महत्त्वाच्या बातम्या एकाच ठिकाणी

Chhatrapati Sambhajinagar Crime: फटाक्याच्या आवाजाने दीड महिन्याचं लेकरु घाबरलं, दोघांमध्ये वाद, काही क्षणात होत्याचं नव्हतं

संभाजीनगरमध्ये दिवाळी सणात शहरात ठिकठिकाणी उफाळून आलेल्या वादातून हाणामारी, २१ घटनांमध्ये चाकूने हल्ला करण्यात आला. तर हिनानगरमध्ये सहा जणांनी मिळून एका तरुणाची हत्या केली. चिकलठाण्याच्या हिनानगरमध्ये राहणाऱ्या इरफाना आयास शेख (वय ३६) यांच्या घरासमोर राहणारे परवीन शेख यांच्या कुटुंबातील मुले ३ नोव्हेंबर रोजी रात्री फटाके वाजवत होती. त्या आवाजामुळे इरफाना यांचा दीड महिन्याचा नातू घाबरत होता. त्यातून इरफाना आणि परवीन यांच्यात वाद झाले. या प्रकरणी दोघीही एमआयडीसी सिडको पोलिस ठाण्यात तक्रार देण्यासाठी गेले. तेथे त्यांच्यात तडजोड देखील झाली, परंतु घरी येऊन परवीनाच्या कुटुंबाने इरफाना यांच्या घरातील सदस्यांना मारहाण सुरू केली.