विधानसभा जिंकण्यासाठी भाजपचं ‘रंगकाम’; हॅट्ट्रिक करण्यासाठी ‘कलरकोड’ प्लान अ‍ॅक्टिव्ह

जिंकण्याची सर्वाधिक शक्यता, मध्यम शक्यता आणि अतिशय कमी शक्यता यानुसार भाजपनं मतदारसंघांना हिरवे, पिवळे आणि लाल रंग दिले आहे. भाजप लढत असलेल्या १५२ आणि मित्रपक्षांच्या ४ मतदारसंघांसाठी भाजपनं अशा प्रकारे रंगकाम केलं आहे. या मतदारसंघातील रंगबदलाकडे दररोज लक्ष दिलं जात आहे. पिवळे मतदारसंघ हिरवे आणि लाल मतदारसंघ पिवळे करण्यासाठी काम केलं जात आहे.
जम्मू-काश्मीर विधानसभेत राडा; कलम ३७०वरुन गोंधळ, भाजप आमदारांनी विधेयकाच्या प्रती फाडल्या
उमेदवाराचा आलेख तयार करत मतदारसंघातील सध्यस्थितीचे बॅरोमीटर तयार केलं जात आहे. ही माहिती खुद्द उपमुख्यमंत्री देवेंद्र फडणवीस यांनीच दिली होती. रंग देताना ५ प्रमुख निकष निश्चित करण्यात आले आहेत. प्रत्येक ठिकाणी काय करण्यात यावं याचं सूचनापत्रकही तयार केलं जात आहे. प्रत्येक मतदारसंघात वातावरण कसं आहे, तिथल्या समस्या काय, तिथं काय करायला हवं, याचा आढावा भाजपच्या शीर्षस्थ कार्यकर्त्यांना या प्रणाली अंतर्गत सादर केला जाणार आहे. ज्या मतदारसंघात स्थिती वाईट आहे, तिथे सुधारणेसाठी आवश्यक पावलं टाकण्यावर भर दिला जाईल.
Maharashtra Election 2024: राज्यात हरयाणा रिपीट होणार? परिस्थिती अगदी सेम टू सेम, कट टू कट लढाईत कोणाचा गेम?
विधानसभेची जबाबदारी देण्यात आलेले भाजपचे राज्याबाहेरील मंत्री, प्रवासी कार्यकर्ते दिवाळीच्या सुट्टीनंतर त्यांच्या कार्यक्षेत्रात परतले आहेत. त्यांच्याकडून मतदारदारसंघांचं मूल्यमापन सुरु आहे. प्रवासी कार्यकर्त्यांमधील बहुतांश जण गुजरात, मध्य प्रदेश, उत्तराखंडमधील आहेत. याच राज्यांमधील बडे मंत्रीही महाराष्ट्रात सक्रिय आहेत. प्रवासी कार्यकर्ते थेट केंद्रीय गृहमंत्री अमित शहा आणि भाजपचे महाराष्ट्र निवडणूक प्रभारी भूपेंद्र यादव यांच्याशी संपर्क ठेवून आहेत.

लोकसभा निवडणुकीत भाजपला महाराष्ट्रात मोठा फटका बसला. गेल्या निवडणुकीत २५ जागा लढवून २३ जागांवर विजय मिळवणाऱ्या भाजपला यंदा २८ जागा लढवून केवळ ९ जागाच जिंकता आल्या. त्यामुळे आता भाजपसमोर सत्ता टिकवण्याचं आव्हान आहे. गेल्या दोन विधानसभा निवडणुकीत भाजपनं १०० पेक्षा अधिक उमेदवार निवडून आणले. यंदाही तशीच कामगिरी करण्याचा भाजपचा प्रयत्न आहे.