लाडके भाऊ काय मेलेत का? लाडकी बहीण योजनेवरून राज ठाकरेंनी सत्ताधाऱ्यांवर तोफ डागली

मंगळवेढ्यात संबोधित करताना त्यांनी हे आश्वासन दिलं आहे. आमची कामं पाहून तुम्हीच पुढची पाच वर्षांची सत्ताही पुन्हा मनसेकडे द्याल, असाही विश्वास राज ठाकरेंनी व्यक्त केला आहे.
Solapur News : मनोज जरांगेंचा एमडीएम फॅक्टर चालणार? ते किंगमेकर नव्हे, तर किंगच; मराठा बांधवांच्या प्रतिक्रिया

राज ठाकरेंचा राज्य सरकारवर निशाणा

महाराष्ट्र नवनिर्माण सेनेचे पंढरपूर मंगळवेढा विधानसभा मतदारसंघातील उमेदवार दिलीप धोत्रे यांच्या प्रचारासाठी बुधवारी मंगळवेढ्यात राज ठाकरे यांच्या सभेचे आयोजन करण्यात आले होते. सभेत बोलताना ठाकरे यांनी मुख्यमंत्री लाडकी बहीण योजना आणि महागाईवरुन राज्य सरकारवर निशाणा साधला. ष्काळग्रस्त तालुका म्हणून मंगळवेढ्याची ओळख आहे. एवढ्या निवडणुका झाल्या, पण मंगळवेढ्याचा दुष्काळ काही हटलेला नाही. याच्या इतकी लाजीरवाणी गोष्ट नाही, अशी टीका करत राज ठाकरेंनी हल्लाबोल केला.
Solapur News : उबाठा गटाच्या उमेदवाराची मनोज जरांगेंशी भेट, बार्शीतील राजकीय समीकरणं बदलतील? चर्चांना उधाण

माझ्या हातात सत्ता द्या यांना वठणीवर आणतो – राज ठाकरे

महाराष्ट्र राज्यात निवडून दिलेले बरेचसे आमदार, खासदार पुणे आणि मुंबई सारख्या शहरात राहतात. ते फक्त तुम्हाला चेहरे दाखवण्यासाठी मतदारसंघात येतात. उद्योगधंदे तुमच्या भागात आले पाहिजेत.

शेतकरी आत्महत्या होत आहेत, महिला – मुलींना पळवले जात आहेत. बलात्काराच्या घटना दररोज घडत आहेत, अशा घटनांचं तुम्ही निवडून दिलेल्या लोकांनाही काहीही पडलेलं नाही. माझ्या हातात सत्ता देऊन बघा, महाराष्ट्र कसा वठणीवर येत नाही, हे मी बघतो, असं म्हणत राज ठाकरे यांनी मतदारांना आवाहन केलं आहे.