उद्धव ठाकरेंच्या सभेची तयारी सुरू, मुख्यमंत्र्यांनी कारचा स्पीड कमी करुन वाकून पाहिलं…; फोटोची एकच चर्चा

अकोल्यात एकनाथ शिंदे – उद्धव ठाकरेंची सभा

एकाच दिवशी दोन्हीही शिवसेनेच्याआजी-माजी मुख्यमंत्र्यांच्या सभेने येथील राजकीय वातावरण चांगलेच तापले. महायुतीच्या उमेदवारासाठी वाडेगाव पातूर रस्त्यावरील शिव पेट्रोल पंपजवळच्या मैदानात सभा संपन्न झाल्यावर एकनाथ शिंदे हे त्यांच्या पुढील सभेसाठी भंडारा येथे रवाना झाले. त्याच रस्त्याने पुढे शिवसेना उद्धव बाळासाहेब ठाकरे गटाचे आमदार नितीन देशमुख यांच्या प्रचारार्थ खुद्द उद्धव बाळासाहेब ठाकरे यांची जाहीर सभा सायंकाळी होती.
Raigad News : ​निवडणुकीच्या प्रचारात राजकीय भूकंप; एकतर्फी, मनमानी कारभाराला कंटाळून शिंदे गटाच्या पदाधिकाऱ्यांचा सामूहिक राजीनामा

उद्धव ठाकरेंच्या सभेची तयारी सुरू, मुख्यमंत्र्यांनी वाकून पाहिलं…

त्या सभेची तयारी सुरू होती. त्याच रस्त्याने मुख्यमंत्री एकनाथ शिंदे जात असताना त्यांनी गाडीचा स्पीड कमी करून सभेला जाताना वाकून बघितलं असता तो फोटो रस्त्यावर उभे असलेल्यांनी कॅमेरामध्ये कैद केला. हा फोटो आता चांगलाच वायरल झाला. गाडीतून वाकून बघतानाचा फोटो व्हायरल झाल्याने जिल्हाभरात याची चांगलीच चर्चा रंगली होती.
Pune News : संभाजीराजे छत्रपती यांचे सुपुत्र निवडणुकीच्या रिंगणात, तिसऱ्या आघाडीसाठी करणार प्रचार

एकाच दिवशी आजी-माजी मुख्यमंत्र्यांची सभा

एकनाथ शिंदे यांची सभा दुपारनंतर होती आणि उद्धव ठाकरे यांची सभा रात्रीची होती. एकनाथ शिंदे यांच्या सभेसाठी हजारोंच्या संख्येने कार्यकर्ते तसेच मतदार एकनाथ शिंदे यांना ऐकण्यासाठी हजर होते. तर दुसरीकडे लाडक्या बहिणींनी सुद्धा शेकडोच्या संख्येने हजेरी लावली होती.

त्यानंतर उद्धव ठाकरे यांच्या सभेला ऐकणाऱ्यांची संख्या मोठी होती. मात्र आता सोशल मीडियावर मुख्यमंत्र्यांनी कुतूहलाने गाडी बाहेर पाहतानाचा फोटो व्हायरल झाल्याने, कुणाची सभा विशाल होती असा प्रश्न निर्माण झाला आहे.