शिंदेसेनेच्या जाहिरातीत फोटो, आजोबा अद्याप बेपत्ता; लेकाचे खळबळजनक दावे, वृद्धाचं काय झालं?

शिक्रापूर पोलीस स्टेशनचे निरीक्षक दीपरत्न गायकवाड यांनी दिलेल्या माहितीनुसार ज्ञानेश्वर विष्णू तांबेंचा शोध अद्याप लागलेला नाही. तांबे यांचा फोटो सोशल मीडिया जाहिरातीत वापरण्यात आला. तो फोटो २०१९ मध्ये काढण्यात आलेला आहे. सोशल मीडिया पोस्ट तयार करणाऱ्या व्यक्तीनं तांबे यांचा फोटो सहज वापरला असावा. तांबे बेपत्ता असल्याची कल्पना त्याला बहुधा नसावी.
आमदार अशोक पवारांच्या मुलाचं अपहरण; विवस्त्र करुन महिलेसोबत VIDEO काढला, घटनेनं खळबळ
महायुती सरकारनं ज्येष्ठ नागरिकांना धार्मिळ स्थळांचं दर्शन घडवण्यासाठी योजना आणली. त्या योजनेच्या जाहिरातीत तांबेंचा फोटो वापरण्यात आला होता. ‘वडिलांच्या ठावठिकाण्याबद्दल आम्हाला काहीच माहीत नाही. पोलिसांनी त्यांचा शोध घेण्याचा प्रयत्न केला. पण त्यांचा थांगपत्ता लागला नाही,’ असं तांबे यांचे पुत्र भरत यांनी सांगितलं. माझे वडील सरकारी योजनेचे लाभार्थी नाहीत. त्यांचा फोटो जाहिरातीत कसा वापरण्यात आला, त्याबद्दल आम्हाला कोणतीही कल्पना नाही, असं भरत म्हणाले.
Devendra Fadnavis: फडणवीस मराठवाड्यात, आरक्षण आंदोलनातील बड्या नेत्याची अचानक भेट; चर्चेनंतर निघताना सूचक संकेत
तांबे यांचा फोटो जुलैमध्ये महायुती सरकारच्या मुख्यमंत्री तीर्थ दर्शन योजनेच्या जाहिरातात झळकला. मुख्यमंत्री एकनाथ शिंदेंच्या शिवसेनेच्या इन्स्टाग्राम हँडलवरुन जाहिरात शेअर करण्यात आली होती. त्यानंतर फोटो व्हायरल झाला. १८ जुलैला तांबे यांचे पुत्र भरत यांना त्यांच्या मित्रानं त्यांना एक स्क्रीनशॉट पाठवला. तो स्क्रीनशॉट एका व्हॉट्सऍप स्टेटसचा होता. त्यात भरत यांना वडिलांचा फोटो दिसला. आता घडवणार ज्येष्ठांना धार्मिक स्थळांचे दर्शन, असं कॅप्शन फोटोला देण्यात आलेलं होतं. भरत यांनी एका स्थानिक पत्रकाराशी संपर्क साधला आणि मुख्यमंत्र्यांकडे वडिलांच्या शोधासाठी गाऱ्हाणं घातलं. वडिलांचा ठावठिकाणा शोधण्यास शिंदेंनी मदत करावी, अशी विनंती भरत यांनी केली होती.