शरद पवारांचं मिशन नाशिक; १२ नोव्हेंबरला जिल्ह्यात सहा जाहीर सभा, असा असेल दौरा…

पंतप्रधान नरेंद्र मोदी यांच्या सभेपाठोपाठ महाविकास आघाडीच्या जाहीर सभाही होणार आहेत. उपमुख्यमंत्री अजित पवार यांच्यासोबत गेलेल्या आमदारांना घेरण्यासाठी पवार यांनी १२ नोव्हेंबर रोजी एकाच दिवशी लागोपाठ सहा सभांचे नियोजन केले आहे. त्यात येवल्यात मंत्री छगन भुजबळ, दिंडोरीत विधानसभा उपाध्यक्ष नरहरी झिरवाळ, कळवणचे आमदार नितीन पवार, सिन्नरचे आमदार माणिकराव कोकाटे, निफाडचे आमदार दिलीप बनकर यांना लक्ष्य केले जाणार आहे. दुसऱ्या टप्प्यात त्यांची नाशिक पूर्व मतदारसंघातही सभा होणार आहे.
जीवघेणा ठरला नायलॉन मांजा! मांडीला गंभीर दुखापत, ९ वर्षीय मुलाचा उपचारादरम्यान मृत्यू, नाशिकमधील घटना
… असा आहे पवारांचा दौरा
शरद पवारांची साथ सोडणारे कळवणचे आमदार नितीन पवार यांच्या विरोधात आणि ‘माकप’चे उमेदवार जे. पी. गावितांच्या प्रचारासाठी १२ नोव्हेंबर रोजी सकाळी साडेदहाला शरद पवार सभा घेणार आहे. त्यानंतर दिंडोरीत राष्ट्रवादी शरद पवार गटाच्या उमेदवार सुनीता चारोस्करांसाठी त्यांची बारा वाजता सभा होईल. निफाडमधील ठाकरे गटाचे उमेदवार अनिल कदम यांच्यासाठी ते एक वाजता सभा घेतील.
आमच्या योजना बंद होणार नाहीत; Ladki Bahin Yojanaवरुन मुख्यमंत्री एकनाथ शिंदेंचे मोठं विधान
येवल्यात माणिकराव शिंदे यांच्या प्रचारासाठी तीन वाजता त्यांची सभा होईल. सिन्नरमधील राष्ट्रवादी शरद पवार गटाचे उमेदवार उदय सांगळे यांच्यासाठी ते पाच वाजता सभा घेतील. नाशिक पूर्व मतदारसंघाचे शरद पवार गटाचे उमेदवार गणेश गिते यांच्यासाठी ते साडेसात वाजता सभा घेतील.