विधानसभा निवडणुकीसाठी भाजपच्या जाहीरनाम्याची घोषणा, लाडकी बहीणच्या मानधनात वाढ

By tejpolicetimes On Nov 10, 2024

भाजपने आपले निवडणूक संकल्पपत्र जाहीर केले आहे. ज्यामध्ये लाडकी बहीण योजनेअंतर्गत २१०० रुपये देण्याचे आश्वासन देण्यात आले आहे. याशिवाय, वृद्धांच्या पेन्शनमध्ये वाढ, शेतकऱ्यांना हमीभाव देण्याचे आश्वासन देण्यात आले आहे. केंद्रीय गृहमंत्री अमित शाह यांच्या हस्ते संकल्पपत्राचे प्रकाशन करण्यात आले.

महाराष्ट्र टाइम्स.कॉम

मुंबई : राज्यातील निवडणुकीचे बिगूल वाजले असून राजकीय पक्षांच्या प्रचारसभा होताना दिसत आहेत. महायुती आणि महाविकास आघाडीचे दिग्गज नेते मैदानात उतरले. निवडणूकीत उतरण्याधी राजकीय पक्षांनी आपल्या जाहीरनाम्याची घोषणा केली आहे. अशातच भाजपकडून आपले संकल्पपत्र जाहीर करण्यात आले आहे. भाजप नेते आणि उपमुख्यमंत्री देवेंद्र फडणवीस यांनी संकल्प वाचून दाखवले. संकल्पपत्र म्हणजे विकसित महाराष्ट्राचा रोडमॅप असणार असल्याचं फडणवीस म्हणले. भाजपने आपल्या संकल्पपत्रामधील लाडकी बहीण योजनेसह वृद्ध पेन्शन योजनेमध्ये वाढ करण्यात आली आहे.

भाजपच्या संकल्पपत्रामधील सर्वात मोठी घोषणा म्हणजे लाडकी बहीण आणि वृद्ध पेन्शन योजनेच्या मानधनामध्ये वाढ करण्याती आली असून आता २१०० रूपये देण्यात येणार आहेत. भावांतर योजना, पिकाचा भाव पडल्यावर हमीभावापेक्षा जास्त दर आणि त्याचे पैसे थेट शेतकऱ्यांच्या खात्यात जमा होणार आहेत. शेतमालाची हमीभावाने खरेदी करणार, महाराष्ट्रात २०२७ पर्यंत ५० लाख लखपती दीदी करणार, महारथीमार्फेत मोठ्या लॅब तयार करणार, गड किल्ल्यांच्या विकासासाठी प्राधिणीकरण, १ लाखांपेक्षा जास्त सरकारी नोकऱ्या देणार आहोत. भाजप नेते आणि केंद्रीय गृहमंत्री अमित शाहांच्या हस्ते भाजपच्या संकल्पपत्राचे प्रकाशन केले गेले. उपमुख्यमंत्री देवेंद्र फडणवीस, चंद्रशेखर बावनकुळे, विनोद तावडे,खासदार पियुष गोयल,आशिष शेलार यांसह भाजपचे अनेक नेते उपस्थितीत होते.

भाजप संकल्पपत्रामधील २५ घोषणा

लाडकी बहीण योजनेतील महिलांना १५०० रुपयांवरुन २१०० रुपये दिले जाणार
महिलांमध्ये आर्थिक साक्षरता निर्माण करण्यासाठी प्रशिक्षण
महिलांच्या सुरक्षेसाठी २५००० महिलांचा पोलीस दलात समावेश केला जाणार
शेतकऱ्यांना कर्जमाफी दिली जाणार
शेतकरी सन्मान योजनेतून वर्षाला १२ हजार वरुन १५ हजार
प्रत्येक गरीबाला अन्न आणि निवारा देण्यात येणार
वृद्ध पेन्शन धारकांना १५०० वरुन २१०० रुपये दिले जाणार
जीवनावश्यक वस्तूंच्या किंमती स्थिर ठेवणार
२५ लाख रोजगार निर्मिती
महिन्याला १० लाख विद्यार्थ्यांना १० हजार रुपये विद्यावेतन
ग्रामीण भागात ४५ हजार गावात पांधण रस्ते बांधणार
अंगणवाडी आणि आशा सेविकांचे मानधन वाढ करुन त्यांना दर महिना १५ हजार वेतन आणि विमा संरक्षण देणार
वीज बिलात ३० टक्के कपात करुन सौर आणि अक्षय ऊर्जेवर भर देणार
सरकार स्थापनेनंतर १०० दिवसांच्या आत व्हिजन महाराष्ट्र @२०२९ सादर केले जाणार
२०२८ पर्यंत महाराष्ट्राला १ ट्रिलियन डॉलर अर्थव्यवस्था बनवण्याचे लक्ष्य
मेक इन महाराष्ट्र धोरण राबवणार
महाराष्ट्राला जागतिक फिनटेक आणि कृत्रिम बुद्धीमत्ता (AI) राजधानी बनवणार
पहिल्या विशेष AI विद्यापीठाची स्थापना करणार
नागपूर, पुणे, छत्रपती संभाजीनगर, अहिल्यानगर आणि नाशिकला आधुनिक एरोनॉटिकल आणि स्पेस उत्पादन केंद्र बनवणार
शेतकऱ्यांनी खरेदी केलेल्या खतांवरील जीएसटी अनुदानाच्या रुपात परत देणार
शेतकऱ्यांना प्रति क्विंटल ६००० भाव मिळावा म्हणून सोयाबीन उत्पादन, प्रक्रिया आणि मूल्यवर्धनासाठी समर्पित संपूर्ण शृंखलेची स्थापन
२०२७ पर्यंत महाराष्ट्रात ५० लक्ष लखपती दीदी तयार करणार प्रत्येकी ५०० स्वयंसहायता गटाचे एक औद्योगिक क्लस्टर तयार करण्यात येईल आणि १००० कोटींचा प्रारंभिक फिरता निधी उपलब्ध करण्यात येणार
अक्षय अन्न योजनेतंर्गत कमी उत्पन्न गटातील कुटुंबांना दरमहा मोफत शिधा देण्यात येणार, यात तांदूळ, ज्वारी, शेंगदाण्याचे तेल, मीठ, साखर, हळद, मोहरी, जिरे आणि लाल मिरची पावडर यांचा समावेश असणार
महारथी अटल टिंकरिंग लॅब्स योजना सुरु करणार
महाराष्ट्रात कौशल्य जनगणना करण्यात येणार
छत्रपती शिवाजी महाराज आकांक्षा केंद्र स्थापन करण्यात येणार. यात को वर्किंग स्पेस, इनक्युबेशन सुविधा असतील. यातून १० लाख नवीन उद्योजक तयार केले जाणार आहे.

लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा

Source link