Tej Police Times
नागपूरमध्ये प्रचार पत्रकांसह दोन हजार ७००हून अधिक धान्याचे किट जप्त, आचारसंहिता भंगाचा गुन्हा दाखल
Maharashtra Election 2024: विधानसभा निवडणुकीत नागपूर पश्चिम मतदारसंघातील अपक्ष उमेदवार नरेंद्र जिचकार यांच्यावर आचारसंहिता भंगाचा आरोप करण्यात आला आहे. शहरात २ हजार ७००हून अधिक धान्याचे किट जप्त करण्यात आले असून त्यात जिचकरांचे प्रचारपत्रके सापडली आहेत.
मोतीबाग सेंट्रल रेल्वे कॉलनी, नागपूरमध्ये 220 रेशन किट जप्त करण्यात आल्या आहेत. त्याचवेळी महेंद्र नगर येथून 2500 हून अधिक धान्याचे किट जप्त करण्यात आले. ज्याची किंमत 15 लाख रुपये असल्याचे सांगण्यात येत आहे. निवडणूक आयोगाच्या पथकाने ही कारवाई केली. 
नवे सरकार कोणाचे? राज्यातील या ३७ जागा ठरवणार महाविकास आघाडी अन् महायुतीचा फैसला, विजयाचे अंतर फक्त…
या दोन्ही ठिकाणांहून जप्त करण्यात आलेल्या सर्व रेशन पाकिटांमध्ये पश्चिम नागपूरचे अपक्ष उमेदवार नरेंद्र जिचकार यांच्या प्रचाराची पत्रके आढळून आली. या भागातील मतदारांवर प्रभाव टाकण्यासाठी रेशन किट वाटप करण्यात येत असल्याची माहिती आयोगाला मिळाली होती. उड्डाण पथकाने तपासणी केली असता हे किट जप्त करण्यात आले.
ऐन निवडणुकीत पैशांची चणचण, भाजपच्या उमेदवाराने केले मदतीचे आवाहन; बँकेचा खातेनंबर शेअर केला
निवडणुकीच्या पार्श्वभूमीवर जिचकार यांच्यावर आचारसंहिता भंगाचा आरोप करण्यात आला आहे. याप्रकरणी पोलिसात गुन्हाही दाखल करण्यात आला आहे. मात्र त्याचवेळी जिचकार यांनी हे आरोप निराधार असल्याचे म्हटले आहे. धान्याचे किट माझे नसून माझी बदनामी करण्यासाठी त्या किटमध्ये जाणीवपूर्वक पत्रे टाकण्यात आली असल्याचे त्यांनी सांगितले. आता पोलिस या प्रकरणाचा तपास करत आहेत आणि जिचकार यांच्यावर आचारसंहिता भंगाचे आरोप सिद्ध होऊ शकतात का, याची पाहणी केली जात आहे.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा