हिंगोलीतील कळमनुरी तालुक्यात हैराण करणारी घटना, पोलिस दाखल, शेतकऱ्याची…

साहेबराव गिराम यांचा मुलगा सकाळी शेतात गेला असताना वडील रक्ताच्या थारोळ्यात पडलेले बघून मुलाची घाबरगुंडी उडाली. घटनेची माहिती देण्यासाठी घाबरलेला मुलगा कुटुंबियांकडे गेला. खून झाल्याची घटना गावकऱ्यांना कळताच ग्रामस्थांनी घटनास्थळाकडे धाव घेतली. त्याचबरोबर कळमनुरी पोलीस स्टेशनचे पोलीस निरीक्षक मोहन भोसले सहायक पोलीस निरीक्षक हनुमंत भिंगारे आदींच्या पथकाने देखील घटनास्थळी धाव घेतली.
कवटीसाठी कुत्र्यांची खेचाखेच, अर्धनग्न मृतदेहाचं गूढ उकललं, जीव घेण्यापूर्वी तरुणीसोबत घडलं भयंकर
घटनास्थळाची पाहणी स्थानिक गुन्हे शाखेच्या पथकाने केली. पोलिसांनी पाहणी केल्यानंतर मयत साहेबराव गिराम यांच्या डोक्यावर कुऱ्हाडी सारख्या शस्त्राने घाव घातल्याचा अंदाज पोलिसांकडून व्यक्त केला गेला. पोलिसांनी आता आरोपीचा शोध घेण्यासाठी श्वान पथकाला देखील पाचारण केले असून या खुनाचं नेमकं कारण काय हे स्पष्ट झालेलं नाही. आता पोलिसांकडून आरोपींचा शोध घेतला जातोय.

शेतात खूनाची घटना घडल्याने मोठी खळबळ निर्माण झालीये. ग्रामस्थांमध्ये भीतीचे वातावरण बघायला मिळतंय. याप्रकरणीत पुढील तपास हा अधिकाऱ्यांकडून केला जातोय. ही खूनाची घटना नेमकी कधी घडली, याबद्दल अजून काही खुलासा होऊ शकला नाहीये. शेतामध्ये खून झाल्याचे कळताच ग्रामस्थांनी मोठी गर्दी केल्याचे बघायला मिळाले. या खूनाच्या घटनेनंतर आता विविध चर्चा या रंगताना दिसत आहेत.