राणेंपासून गैरसमजामुळे दुरावलो, ठाकरेंची पाठ वळताच ‘जय महाराष्ट्र’, बड्या नेत्याचा भाजप प्रवेश

नितेश राणे हे मुस्लिम समाजाच्या विरोधात नाहीत, तर जे चुकीचं कार्य करत आहेत, ज्या कारवाया होत आहेत आणि जे अतिक्रमण सुरु आहे त्याविरोधात नितेश राणे आहेत. कोकणातील मुस्लिम समाजाच्या लोकांना सर्वात जास्त आधार हा राणेंनी दिलाय त्यामुळे मुस्लिम समाज बहुसंख्येने नितेश राणे यांच्यासोबत असल्याचे रज्जब रमदुल यांनी सांगितले.

मी सुरुवातीपासूनच राणे कुटुंबाचा एक निष्ठावंत कार्यकर्ता होतो. २००८ पासून स्वाभिमान संघटनेचे कार्य मी करत होतो. या ठिकाणी गेली १४ वर्ष राणे कुटुंबाशी मी एकनिष्ठ होतो. काही गैरसमज असल्यामुळे मी वर्षभर पक्षापासून नितेश राणेंसोबत दूर गेलो आणि शिवसेनेमध्ये प्रवेश केला.

शिवसेना पक्षाने सुद्धा मला या ठिकाणी चांगला मानसन्मान दिला. आमच्या कार्यकर्त्यांचा सुद्धा त्यांनी सन्मान केला, या एक वर्षाच्या कालावधीमध्ये सुद्धा नितेश राणे यांनी माझ्याशी सतत संपर्क ठेवला, माझ्या सुखादुःखामध्ये साहेब नेहमी विचारपूस करायचे, ईद सणानिमित्त साहेब आशीर्वाद द्यायचे, धन्यवाद द्यायचे, फोन करून शुभेच्छा द्यायचे, माझ्यावर वैयक्तिक संकट आले असताना सुद्धा साहेबांनी धीर देण्याचा प्रयत्न केला आणि आज साहेबांची असलेली निष्ठा साहेबांवरती असलेल्या प्रेम आणि या निवडणुकीमध्ये साहेबांच्या निष्ठेमुळे प्रेमामुळेच या ठिकाणी आणि विकास कामांचा जोर साहेबांचा असल्यामुळे मी आज राणे कुटुंबामध्ये पुन्हा एकदा स्वगृही येण्याचा मी या ठिकाणी आज प्रयत्न केलेला आहे, असे ते म्हणाले.
Kanhaiya Kumar : आम्ही धर्मयुद्ध लढत बसू, अमृता फडणवीस इन्स्टावर रील बनवत बसतील, कन्हैया कुमार यांचा निशाणा
हे खरेच आहे की मुस्लिम समाजामध्ये काही प्रमाणामध्ये राणे साहेबांबद्दल नाराजी आहे. राणे साहेबांनी याविषयी मला काही आपली भूमिका समजावून सांगितलेली आहे. जिथे खरोखरच अन्याय होतोय, चुकीची काम होत आहेत, अतिक्रमण होतंय, काही ठिकाणी अनेक चुकीच्या घटना घडत आहेत, तिथे राणे साहेबांना या ठिकाणी आपली भूमिका मांडावी लागते आणि ते परखडपणे आपली भूमिका मांडतायेत मी आतून एवढेच सांगेन की राणे साहेबांची भूमिका ही इस्लाम धर्माच्या विरोधात नाही मुस्लिम धर्माच्या सर्व समावेशक विरोधात नाहीये, जे मुस्लिम समाजात राहून चुकीचं कार्य करताय चुकीच्या कार्याला प्रवृत्त करतायेत अतिक्रमण करतात अशा ठिकाणी आज साहेब आपली भूमिका परखड मांडतायेत, असंही ते म्हणाले.
Amit Thackeray : माहीमची उमेदवारी मिळताच ‘मातोश्री’वरुन मोठ्ठ्या शुभेच्छा मिळाल्या, अमित ठाकरेंनी सगळं सांगितलं
एवढं सुद्धा मी नक्कीच सांगेन या कोकणातील मुस्लिम बांधवांना सर्वात जास्त आधार हा राणेसाहेबांनी दिलेला आहे आणि आजपर्यंत त्यांचा तो कायम आहे यामुळे राणे साहेबांची भूमिका ही पूर्ण मुस्लिम समाजाच्या विरोधात नसल्याने साहेबांना त्याची आम्हाला समजूत खात्री घातलेली आहे, त्यामुळे नक्कीच मुस्लिम समाज सुद्धा बहुसंख्येने साहेबांसोबत आज आहे शिवसेना उप जिल्हाप्रमुख रज्जब रमदुल यांनी सांगितले.