तुम्हाला वाटेल ही येडी कशाला आली, सुप्रिया सुळेंच्या भाषणावेळी आजींनी स्टेजचा ताबा घेतला न्…

येत्या २० तारखेला होणाऱ्या मतदानाची उत्सुकता पक्षप्रमुख, उमेदवार, कार्यकर्त्यांसोबतच सामान्य जनतेलाही आहे. कोण विजयाचा गुलाल उधळणार आणि कोणाला जनता घरचा रस्ता दाखवणार याकडे सगळ्यांचे लक्ष लागले आहे.आपल्या उमेदवाराला जिंकवण्यासाठी शर्थीचे प्रयत्न सध्या सगळ्याच स्तरावर होत आहेत. अश्यातच उत्साही कार्यकर्ता काय करेल याचा नेम नाही.याचीच प्रचिती बारामतीच्या राष्ट्रवादी काँग्रेस शरदचंद्र पवार गटाचे उमेदवार युगेंद्र पवार यांच्या प्रचारसभेत आली.

……अन् सुप्रिया ताई बाजूला झाल्या

दरम्यान,खासदार सुप्रिया सुळे यांचं भाषण सुरू असताना जमलेल्या महिला कार्यकर्त्यां मधून एका उत्साही आज्जिबाईंनी आपलं मनोगत मांडण्याची विनंती सुप्रिया ताईंना केली.ताईंनी आज्जींना मंचावर बोलवून त्यांना बोलण्याची संधी दिली.आज्जी मंचावर येताच त्यांनी आपल्या गावरान अंदाजात भाषणाची सुरुवात केली.आजीचं भाषण ऐकून सगळेच पोट धरून हसायला लागले.

काय म्हणाल्या आजी……..

“तुम्हाला वाटत असंल आता ही येडी कशाला आली …मी येडी माझ्या शब्दांनी पवार घराण्याची सेवा करायला आलिये. राम कृष्ण हरी तुतारी वाजवा घरो घरी” अश्या शब्दात आज्जींनी भाषणाची सुरुवात केली. “माझ्या मुलींनो,माझ्या चिमण्यांनो तुमच्यामुळे मला विश्वास आला.बारामती तालुका जोक नाही,पवारसाहेबांचा समुद्र हाये. मी हितली न्हायी नी माझं मतदान बी हितल न्हायी पण तुमच्या पक्षाची हाये. मला पवार साहेबांचा अभिमान हाय. सुप्रिया ताई तुम्हाला माझं उदंड आयुष्य,मोठ्या पवार साहेबांनाबी उदंड आयुष्य बारामती साठी मोठे साहेब हे रत्न आहेत, रत्न न्हव हिरा हायेत. बरमातिकरांनो तुम्ही हुशार आहात.प्रचार बंद झाल्यावर दारू पिऊ नका, तुम्ही कोणाचा रुपयाही घेऊ नका आपण काय भीकरी आहोत का? येत्या २० तारखेला तीन नंबर च बटण दाबून विजयी करायचंय. माझ्या सोन्यांला धन्यवाद. बहाद्दरांणनो माझ्या म्हातारीला तळतळायला लावू नका. आपले पवार साहेब पणम्हातारे हायेत…आमच्याकडे पण थोडीशी गंगा आली गंगा”… असं म्हणत एकच हशा पिकला आमचा एकच वादा आणि रोहित दादा अशी घोषणा देत आज्जिबाईंनीआपलं भाषण
थांबवलं.