प्रचार तोफा थंडावताच वंचित आणि रासपमध्ये समझौता, मराठवाड्यातील मतदारसंघांत असे बदलणार समीकरण

पाथरी विधानसभा मतदारसंघात वंचित बहुजन आघाडीच्या वतीने सुरुवातीला सुरेश फड यांना उमेदवारी देण्यात आली आहे. सुरेश फड यांनी आपल्या मतदारसंघात मोठ्या प्रमाणावर प्रचारही केला. कालच ओबीसी नेते लक्ष्मण हाके यांची मानवत येथे भव्य अशी जाहीर सभा देखील झाली. आज प्रचाराच्या तोफा थंडावल्या आणि उमेदवार आता मतदान करून घेण्याच्या तयारीत असतानाच वंचित बहुजन आघाडीने प्रसिद्धी पत्र काढून सुरेश फड यांना मात्र चांगलेच अडचणीत आणले आहे. पाथरी विधानसभा मतदारसंघात वंचित बहुजन आघाडीचा उमेदवार असताना, त्याने प्रचार यंत्रणा राबविली असताना, आणि मतदानाला काही तास उरले असताना पक्षाने घेतलेल्या निर्णयामुळे सर्वत्र आश्चर्य व्यक्त केले जात आहे. आता पाथरी विधानसभा मतदारसंघात वंचित बहुजन आघाडीचा राष्ट्रीय समाज पक्षाचे उमेदवार सईद खान यांना जाहीर पाठिंबा जाहीर केला आहे.
…ही तर महाराष्ट्रातील सोयाबीन उत्पादकांची दिशाभूल, भाजप खासदाराने काँग्रेस नेत्यांचे टोचले कान
तसेच जिंतूर विधानसभा मतदारसंघात वंचित बहुजन आघाडीचे उमेदवार सुरेश नागरे यांना राष्ट्रीय समाज पक्षाने अधिकृत पाठिंबा जाहीर केला आहे. या मतदारसंघातही सुरुवातीला राष्ट्रीय समाज पक्षाने माज आयपीएस अधिकारी प्रभाकर बुधवंत यांना उमेदवारी दिली होती. त्यांनी देखील आपला संपूर्ण प्रचार यंत्रणा राबवली. आणि आता मतदानाला काही तास उरले असताना राष्ट्रीय समाज पक्षाने ऐनवेळी वंचित बहुजन आघाडीचे उमेदवार सुरेश नागरे यांना पाठिंबा दर्शविला आहे. माझी आयपीएस अधिकारी प्रभाकर बुधवंत यांची देखील चांगलीच गोची यामुळे झाली आहे.

वंचित बहुजन आघाडी आणि राष्ट्रीय समाज पक्ष या दोन्ही पक्षांनी परभणीच्या दोन विधानसभा मतदारसंघात घेतलेली भूमिका प्रत्यक्षात मतदारांना किती रुचेल हे मात्र निवडणूक निकालानंतर स्पष्ट होईल. पण एक मात्र निश्चित आहे की पाथरी विधानसभा मतदारसंघात राष्ट्रीय समाज पक्षाच्या उमेदवाराची ताकद चांगली आहे तर जिंतूर विधानसभा मतदारसंघात वंचित बहुजन आघाडीचे उमेदवार सुरेश नागरे यांची देखील ताकद चांगली आहे. या दोन्ही मतदारसंघात एकमेकाला पाठिंबा दिल्यानंतर या दोन्ही उमेदवारांचा निकाल विजयात परिवर्तित होईल का हे पहावे लागणार आहे. पण ऐनवेळी वंचित बहुजन आघाडीचे नेते प्रकाश आंबेडकर आणि राष्ट्रीय समाज पक्षाचे नेते महादेव जानकर यांच्या या निर्णयामुळे मात्र जिल्हाभरात आश्चर्य व्यक्त केले जात आहे.