मतदान करताना फोटो-व्हिडिओ काढले, बूथ अधिकाऱ्याने पाहिल्यानंतर प्रकरण अंगलट; वाशिममध्ये एकावर गुन्हा दाखल

मतदान करताना मतदाराने फोटो आणि व्हिडिओ काढल्याने त्याच्यावर वाशिम पोलीस स्टेशनमध्ये आचारसंहितेच उल्लंघन केल्याचा गुन्हा दाखल करण्यात आला आहे.
Baramati News : बारामतीत हाय व्होल्टेज ड्रामा; बुथवर येणाऱ्या मतदारांच्या हातामध्ये….शर्मिला पवारांनी सांगितलं नेमकं काय घडलं?
राज्यात आज सकाळपासून विधानसभा निवडणुकीची मतदान प्रक्रिया पार पडत आहे. मतदान हे गुप्त करावे लागते, कोणी कोणाला मतदान केले याची माहिती मिळू नये म्हणून प्रशासनाकडून मोठी खबरदारी घेण्यात येते. मात्र काही हौशी मतदार मतदान करतानाचे फोटो, व्हिडिओ काढून सोशल मीडियावर व्हायरल करतात. असाच प्रकार वाशिम शहरात उघडकीस आला आहे.
अनिल देशमुखांवरील हल्ला म्हणजे सलीम-जावेदची स्टोरी; देवेंद्र फडणवीसांचे मोठे विधान
शहरातील जिल्हा परिषद शाळेतील मतदान केंद्रावर मतदान सुरू असताना मतदान करण्यासाठी गेलेल्या व्यक्तीने मतदान करतानाचा व्हिडिओ बनवला. ही बाब बूथ अधिकाऱ्याच्या लक्षात येताच त्यांनी त्याला पोलिसांच्या ताब्यात दिलं. अधिकाऱ्याच्या लेखी तक्रारीनंतर त्या मतदारावर वाशिम शहर पोलीस स्टेशनमध्ये गुन्हा दाखल करण्यात आला असून मतदान करताना फोटो काढणं त्याच्या चांगलंच अंगलट आलं आहे.

दरम्यान, वाशिमप्रमाणेच साताऱ्यातही माण-खटाव मतदारसंघातील गोपूज येथे मतदान कक्षात एका मतदाराने फोटो, व्हिडिओ काढल्याचं समोर आलं. मतदान करताना मोबाईलवर ईव्हीएम आणि व्हीव्हीपॅटसोबतचा फोटो आणि व्हिडिओ करताना एक जण आढळून आला. त्याला ताब्यात घेऊन त्याच्या विरोधात औंध पोलीस ठाण्यात गुन्हा दाखल करण्यात आला.

गोपूज (ता. खटाव) येथील मतदान केंद्रावर मतदान करताना संबंधीत व्यक्तीने मतदान कक्षामध्ये मोबाईलद्वारे चित्रीकरण केले. त्यावेळी येथील अधिकाऱ्यांच्या निदर्शनास आल्याने त्यांनी त्याला अटकाव करून ताब्यात घेतले. निवडणूक आयोगाच्या निर्देशानुसार मतदान कक्षात मोबाईल घेऊन जाण्यास बंदी असतानाही या व्यक्तीने मतदान प्रक्रियेचे चित्रीकरण केले. त्यामुळे त्याच्यावर कायदेशीर कारवाई करण्यात आली आहे.