Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
विधानसभा आणि विधान परिषदेचे सदस्य असलेले एकमेव आमदार! चौरंगी लढतीत मिळवला विजय; जिल्ह्यात अजित पवारांच्या राष्ट्रवादीचे खाते खुलले
Pathri Vidhan Sabha Nivadnuk: पाथरी विधानसभा मतदारसंघात झालेल्या चौरंगी लढतीत राष्ट्रवादी काँग्रेसचे अजित पवार गटाचे राजेश विटेकर यांनी विजय मिळवला. त्यांनी काँग्रेसच्या सुरेश वरपूडकर यांचा पराभव केला.
विधानसभा निवडणुका लागल्यानंतरच पाथरी विधानसभा मतदारसंघात महाविकास आघाडी आणि महायुतीमध्ये उमेदवारीवरून प्रचंड गदारोळ झाला. महाविकास आघाडीमध्ये राष्ट्रवादीचे माजी आमदार बाबाजानी दुर्राणी यांनी बंडखोरी करत उमेदवारी अर्ज दाखल केला तर महायुतीमध्ये देखील शिवसेनेच्या सईद खान यांनी राष्ट्रीय समाज पक्षात प्रवेश करत दंड थोपटले. त्याचबरोबर भाजपच्या माजी आमदार मोहन फड यांचे वडील माधवराव फड यांनी देखील अपक्ष उमेदवारी अर्ज दाखल केला. महाविकास आघाडी आणि महायुती मध्ये झालेली बंडखोरी दोघांनाही शमविता आली नाही. आणि त्यामुळेच या मतदारसंघात या विधानसभा निवडणुकीत चौरंगी लढत आपल्याला पहावयास मिळाली. लढत चौरंगी झाली असली तरी विजय मात्र राष्ट्रवादी काँग्रेस अजित पवार गटाच्या आमदार राजेश विटेकरांचा झाला.
तुमच्या मतदारसंघात कोण विजयी झाले? महाराष्ट्रातील २८८ नवनिर्वाचित आमदारांची यादी एका क्लिकवर
आमदार राजेश विटेकर यांना तब्बल 83 हजार 767 मत मिळाली आहे. त्यांच्या पाठोपाठ काँग्रेसच्या सुरेश वरपूडकर यांना 70523 मते मिळाली. तर राष्ट्रीय समाज पक्षाच्या सईद खान यांना 54 हजार 647 मते मिळाली. महाविकास आघाडीत बंडखोरी केलेले राष्ट्रवादीचे माजी आमदार बाबाजानी दुर्राणी यांनी तब्बल 48 हजार 257 मध्ये घेतली आहेत. पोस्टल मतदानातही आमदार राजेश विटेकर यांना आज जास्तीची मते मिळाली. राष्ट्रवादीचे आमदार राजेश विटेकर यांना पोस्टल मध्ये 795 मते मिळाली तर त्यांचे विरोधक सुरेश वरपूडकर यांना 739 मध्ये मिळाली.
विधानसभा आणि विधान परिषदेचे सदस्य असलेले एकमेव आमदार
नुकत्याच झालेल्या लोकसभा निवडणुकीत राष्ट्रवादी काँग्रेसकडून उमेदवारी न मिळाल्याने आमदार राजेश विटेकर यांना राष्ट्रवादी काँग्रेसने विधान परिषदेवर त्यांची वर्णी लावली होती. विधान परिषदेवर वर्णी लावून दोन महिने ही पूर्ण झाले नसताना राष्ट्रवादी काँग्रेसने पाथरी विधानसभा मतदारसंघातून आमदार राजेश विटेकर यांना रिंगणात उतरवले. आणि आमदार राजेश विटेकर यांनी विधानसभा निवडणुकीतही आपला विजय मिळवला. आता राजेश विटेकर हे विधानसभा व विधान परिषद या दोन्ही सभागृहाचे सदस्य आहेत. एकाच वेळी दोन्ही सभागृहाचे सदस्य असण्याचा बहुमान आमदार राजेश विटेकर यांना मिळाला आहे. परभणीचा इतिहासातली ही पहिलीच घटना असल्याचे बोलले जात आहे.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा