कोण होणार महाराष्ट्राचे मुख्यमंत्री? निवडणुकीतील विजयानंतर महायुतीत खल; शीर्षस्थ नेते घेणार निर्णय

मुंबई : विधानसभा निवडणुकीतील महाविजयानंतर आता राज्याची धुरा कुणाच्या खांद्यावर द्यायची, हा महायुतीसमोर पेच आहे. भाजपला १३२ जागांवर विजय मिळाल्यावर पुन्हा एकनाथ शिंदे यांना मुख्यमंत्री केल्यास त्याची तीव्र प्रतिक्रिया भाजप आमदार व कार्यकत्यांमध्ये उमटण्याची शक्यता आहे.

त्याचवेळी शिवसेनेला ५७ जागा मिळाल्याने शिंदे, फडणवीस यांच्या कार्यकर्त्यांमध्ये उत्सुकता भाजप मोठा पक्ष, पण शिंदेंचा हातभारही महत्त्वाचा जबाबदाऱ्यांबाबतचा निर्णयही दिल्लीतूनच एकनाथ शिंदे यांचा या विजयाला लागलेला हातभारही दुर्लक्षित करता येण्याजोगा नसल्याने याचा निर्णय दिल्लीत पंतप्रधान नरेंद्र मोदी व गृहमंत्री अमित शहा या शीर्षस्थ नेत्यांकडूनच घेतला जाईल, असे भाजपमधील ज्येष्ठ नेत्याने सांगितले. मुख्यमंत्री एकनाथ शिंदे यांच्या नेतृत्वातच विधानसभेची निवडणूक लढल्याचे म्हटले जात असले, तरी भाजपची धुरा देवेंद्र फडणवीस यांनी सांभाळली होती. भाजपच्या जागा १०० पेक्षा कमी असत्या, तर शिंदे यांना मुख्यमंत्रिपद नाकारणे शक्य नव्हते. मात्र भाजप १३२ आमदारांचा पक्ष झाला असताना शिंदे यांना पुन्हा मुख्यमंत्रिपद दिल्यास राज्यातील भाजप कार्यकर्ते व आमदार यांच्यात अस्वस्थता निर्माण होण्याची शक्यता आहे. सूत्रांच्या म्हणण्यानुसार, येणाऱ्या सरकारमध्ये कुणी, कोणती जबाबदारी पार पाडायची, याचा निर्णयही दिल्लीतील भाजपचे ज्येष्ठ नेतेच घेणार आहेत. मात्र अद्याप त्यांच्याकडून शिंदे यांना कोणत्याही प्रकारचे संकेत मिळाले नसल्याचे त्यांचे निकटवर्तीय सांगतात.
Ajit Pawar: काकांपुढे दादाच सरस; समोरासमोरच्या लढतीत शरद पवार यांना नमवले
दुसरीकडे, गेली अडीच वर्षे ज्या प्रकारे राज्याची धुरा शिंदे यांनी सांभाळली व शिवसेना (उद्धव बाळासाहेब ठाकरे) पक्षाचे नेते उद्धव ठाकरे यांच्या सततच्या टीकेला कामातून उत्तर देत त्यांनी कारभार यशस्वी चालवला, ते पाहता शिंदे यांना निवडणुकीतील यशानंतर मुख्यमंत्रिपदावरून तत्काळ दूर करणे म्हणजे यश मिळाल्याची शिक्षा दिल्यासारखेच होईल, असे शिंदे यांच्या आमदारांचे म्हणणे आहे. शिंदे यांना मुख्यमंत्रिपदावरून दूर केल्यास शिवसेनेच्या आमदारांमध्ये चुकीचा संदेश जाण्याची शक्यताही आमदार वर्तवत आहेत. फडणवीस यांनी गेल्या वेळी मविआला सुरुंग लावल्यानंतर अर्ध्यापेक्षा कमी आमदार असलेल्या शिंदे यांना मुख्यमंत्रिपद द्या, हा वरिष्ठांचा आदेश शिरसावंद्य मानला.
मनसेचे रेल्वे इंजिन यार्डातच! विधानसभा निवडणुकीत खातेच उघडले नाही, राज ठाकरेंना जनतेनं का नाकारलं?
शिंदे यांच्या मंत्रिमंडळात दुय्यम स्थानावर कामही केले. त्यामुळे फडणवीस यांनी केलेल्या त्यागाचे उदाहरण फार जुने नसल्याने शिंदे यांनाही आता महायुतीच्या भल्यासाठी त्याग करणे भागच असल्याचे भाजपमधील आमदारांचे म्हणणे आहे. फडणवीस मात्र याबाबत पक्षनेतृत्व निर्णय घेईल, असे सांगत असल्याचे समजते. महायुतीचा फॉर्म्युला महायुतीत सहा ते सात आमदारांमागे एक मंत्रिपद मिळण्याची शक्यता आहे. भाजपचे १३२ आमदार असल्याने त्यांना २२-२४ मंत्रिपदे मिळण्याची शक्यता आहे. शिवसेनेच्या ५७ जागा आल्याने त्यांना १०-१२ मंत्रिपदे मिळण्याचा अंदाज आहे. राष्ट्रवादीला ४१ जागा आल्याने ८-१० मंत्रिपदे मिळण्याची शक्यता आहे.

महिला आमदारांची संख्या घटली
महाराष्ट्राच्या विधानसभा निवडणुकीत केवळ २१ महिला आमदार निवडून आल्या आहेत. त्यातील १४ महिला या केवळ भाजप या एका पक्षातील आहेत. राष्ट्रवादी काँग्रेस-शप पक्षाच्या १० आमदारांमध्ये एकही महिला आमदार नाही. सन २०१९मध्ये राज्यभरातून २६ महिला आमदार झाल्या होत्या.
लाडक्या बहिणींकडून सत्तेची भेट! महायुतीचा अभूतपूर्व विजय, आघाडीचा धुव्वा, कोणाला किती जागा मिळाल्या?
उद्धव ठाकरे यांना मनसेमुळे लाभ
निवडणुकीत राज ठाकरे यांच्या मनसेचा एकही उमेदवार निवडून आलेला नसला, तरी त्यांच्या उमेदवारांमुळे शिवसेनेला दहा जागांवर फटका बसला आणि तिथे उद्धव ठाकरे यांच्या शिवसेनेचा उमेदवार निवडून आला, असे आकडेवारीवरून दिसते. यामध्ये वरळी, माहीम, विक्रोळी, जोगेश्वरी पूर्व या मतदारसंघांचा समावेश आहे.

‘निवडणुकीत खोटा प्रचार’
सातारा : ‘लाडकी बहीण योजनेबाबत महाविकास आघाडीविरोधात महायुतीने खोटा प्रचार केला. त्यामुळे महिलांनी आमच्याविरोधात मतदान केले,’ असा आरोप राष्ट्रवादी काँग्रेस-शप पक्षाचे अध्यक्ष शरद पवार यांनी केला. ‘अपेक्षेप्रमाणे निकाल लागला नाही,’ असेही ते म्हणाले.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा