Notice: Function _load_textdomain_just_in_time was called incorrectly. Translation loading for the reviews-feed domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home4/darshvyd/tejpolicetimes.com/wp-includes/functions.php on line 6121

Notice: Function _load_textdomain_just_in_time was called incorrectly. Translation loading for the feeds-for-youtube domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home4/darshvyd/tejpolicetimes.com/wp-includes/functions.php on line 6121

Notice: Function _load_textdomain_just_in_time was called incorrectly. Translation loading for the instagram-feed domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home4/darshvyd/tejpolicetimes.com/wp-includes/functions.php on line 6121

Notice: Function _load_textdomain_just_in_time was called incorrectly. Translation loading for the publisher domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home4/darshvyd/tejpolicetimes.com/wp-includes/functions.php on line 6121
भाजप माघार घेईना, पुन्हा मुख्यमंत्रिपद देईना; आता शिंदेंसमोर कोणते पर्याय? - TEJPOLICETIMES
Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

भाजप माघार घेईना, पुन्हा मुख्यमंत्रिपद देईना; आता शिंदेंसमोर कोणते पर्याय?

12

Eknath Shinde: विधानसभा निवडणुकीत सत्ताधारी महायुतीनं तब्बल २३० जागा जिंकल्या. सत्ताधाऱ्यांनी इतक्या जागा जिंकत सत्ता राखण्याची ही पहिलीच वेळ ठरली. पण आता मुख्यमंत्रिपदावरुन महायुतीत रस्सीखेच सुरु झालेली आहे.

महाराष्ट्र टाइम्स.कॉम

मुंबई: विधानसभा निवडणुकीत सत्ताधारी महायुतीनं तब्बल २३० जागा जिंकल्या. सत्ताधाऱ्यांनी इतक्या जागा जिंकत सत्ता राखण्याची ही पहिलीच वेळ ठरली. पण आता मुख्यमंत्रिपदावरुन महायुतीत रस्सीखेच सुरु झालेली आहे. मुख्यमंत्रिपदावर कायम राहण्यास एकनाथ शिंदे उत्सुक आहेत. त्यासाठी त्यांनी भाजप नेतृत्त्वाशी वाटाघाटी करुन पाहिल्या. पण ५ वर्षे मुख्यमंत्रिपदापासून दूर राहिलेला भाजप आता सर्वोच्च पद सोडण्याच्या विचारात नाही.

महायुतीचं नेतृत्त्व एकनाथ शिंदेंकडे होतं. त्यामुळेच विधानसभा निवडणुकीत महायुतीला दणदणीत विजय मिळाला. शिंदेंनी महायुतीचं नेतृत्त्व केल्यानं त्यांच्याचकडे मुख्यमंत्रिपद राहावं, यासाठी शिवसेना आग्रही आहे. शिवसेनेचे अनेक नेते बिहार पॅटर्नचा दाखला देत आहेत. बिहारमध्ये भाजपनं त्यांच्यापेक्षा कमी जागा जिंकलेल्या जेडीयूला मुख्यमंत्रिपद दिलं. मग तशाच प्रकारे शिंदेंना मुख्यमंत्रिपद देण्यात यावं, अशी भूमिका शिवसेना नेते मांडत आहेत.

भाजप मुख्यमंत्रिपद देण्यास तयार नसल्यानं आता शिंदेकडे कोणते पर्याय आहेत?
१. भाजपनं शिवसेनेला उपमुख्यमंत्रिपद देऊ केलेलं आहे. त्यामुळे शिंदेंसाठी तो पर्याय खुला आहे. २०२२ मध्ये देवेंद्र फडणवीस उपमुख्यमंत्री झाले. आपण या सरकारमध्ये सहभागी होणार नाही, असं त्यांनी आधी सांगितलं होतं. पण नंतर पक्षादेशाचा मान ठेवत ते सरकारमध्ये उपमुख्यमंत्री झाले. त्यांनी महत्त्वाची खाती स्वत:कडे ठेवली. आता शिंदेंकडे हा पर्याय आहे. देवाभाऊंप्रमाणे ते उपमुख्यमंत्री होऊ शकतात. भाजप शिंदेंना नगरविकाससह काही महत्त्वाची खाती देण्यास तयार असल्याचं समजतं.

२. मुख्यमंत्री राहिल्यावर उपमुख्यमंत्री कसं व्हायचं, असा प्रश्न शिंदेंसमोर असल्यास त्यांच्याकडे दिल्लीत जाण्याचा पर्याय आहे. केंद्रीय मंत्री रामदास आठवले याबद्दल आजच बोलले आहेत. शिंदे केंद्रीय मंत्रिमंडळात जाऊ शकतात. त्यांची कॅबिनेट मंत्रिपदी वर्णी लागू शकते. मध्य प्रदेशात २०२३ मध्ये झालेल्या विधानसभा निवडणुकीत भाजपला नेत्रदीपक यश मिळालं. भाजपनं जवळपास ८० टक्के जागा जिंकल्या. तिकडे शिवराज सिंह चौहान यांनी लाडकी योजना राबवली होती. त्यामुळे ते शिवराज मामा म्हणून ओळखले जाऊ लागले. पण पक्षानं विधानसभेतील दणदणीत विजयानंतरही चौहान यांना मुख्यमंत्रिपदी पुन्हा संधी दिली नाही. २०२४ मध्ये त्यांना थेट केंद्रीय मंत्रिमंडळात कृषी विभागाची जबाबदारी देण्यात आली. आता लाडकी बहीण योजना राबवणारे एकनाथ भाई शिवराज मामांच्या पावलावर पाऊल टाकून केंद्रात जाऊ शकतात.

३. उपमुख्यमंत्री होण्याची, केंद्रात जाण्याची इच्छा नसल्यास शिंदे महायुतीपासून वेगळे होण्याचा पर्याय निवडू शकतात. पण हा निर्णय धोक्याचा ठरु शकतो. त्याचा मोठा राजकीय फटका त्यांना बसू शकतो. सत्ता नसल्यास त्यांच्या सोबतचे आमदार वेगळा विचार करु शकतात. तसं झाल्यास शिंदेंची प्रचंड अडचण होऊ शकते. भाजपकडे असलेलं संख्याबळ पाहता ते शिवसेनेशिवाय सत्ता स्थापन करु शकतात. त्यातच अजित पवारांनी मुख्यमंत्रिदावरुन भाजपला पूरक भूमिका घेत शिवसेनेची बार्गेनिंग पॉवर कमी केली आहे.

कुणाल गवाणकर

लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस…. आणखी वाचा

Source link

Leave A Reply

Your email address will not be published.