लिव्ह-इन पार्टनरला संपवलं, १३० किमी दूर खंडाळ्यात फेकलं; नंतर रचलेल्या बनावाने पोलिसही हैराण, पुण्यात काय घडलं?

आरोपीने प्रेयसीची हत्या केल्यानंतर तिचा मृतदेह १३० किमी दूर फेकला. त्यानंतर त्याच्या ३ वर्षीय मुलाला आळंदीत सोडून दिलं. त्यानंतर त्याने स्वत: आपला मुलगा बेपत्ता झाल्याची तक्रार दाखल केली. त्याने पोलिसांची दिशाभूल करण्यासाठी अनेक बनाव रचले पण अखेर तो पोलिसांच्या जाळ्यात अडकला.
मुंबईत मृतावस्थेत आढळली एअर इंडियाची पायलट, धक्कादायक बाब समोर; २५ वर्षीय तरुणीसोबत काय घडलं?

काय आहे नेमकं प्रकरण?

मागील पाच ते सहा वर्षांपासून प्रेयसी आणि सुपरवायजर म्हणून काम करणारा तरुण दोघं लिव्ह-इन रिलेशनशिपमध्ये होते. सुपरवायजरचं लग्न झालं होतं. त्याची पत्नी आणि मुलं मावळमध्ये राहतात. तर मारुंजी इथे तरुण आणि त्याची लिव्ह-इन पार्टनर आपल्या मुलासोबत राहत होते.

तरुणासोबत राहणारी त्याची पार्टनर मुळची बीड जिल्ह्यातील परळी येथील होती. तिचं लग्न झालं होतं, पण लग्नाच्या सहा महिन्यानंतर लगेचच ती आपल्या पतीपासून वेगळी झाली होती. त्यानंतर ती पुण्यात आली आणि एसी मेंटेनेन्स फर्ममधील सुपरवायजरसोबत तिचे प्रेमसंबंध जुळले.
Pune Crime : पुण्यात टोळक्याने महिलेचा कान कापला, दागिने चोरले; परिसरात खळबळ, नेमकं काय घडलं?

कसा घडला हत्येचा थरार

पोलिसांनी दिलेल्या माहितीनुसार, २४ नोव्हेंबरच्या रात्री वाकड सर्विस रोडवर आरोपीने त्याच्या प्रेयसीची हत्या केली. त्यानंतर कारने १३० किमी दूर जात त्याने प्रेयसीचा मृतदेह सातारा जिल्ह्यातील खंडाला तालुक्यातील खंबाटकी घाटात नेऊन तेथे फेकून दिला. त्यानंतर त्याच्या फ्लॅटवर परत आला. त्याच रात्री त्याने त्याच्या ३ वर्षांच्या मुलाला झोपेतच उचलून ३० किमी दूर आळंदीमध्ये सोडून आला. त्यानंतर २५ नोव्हेंबर रोजी त्याने हिंजेवाडी पोलीस स्टेशनमध्ये आपला मुलगा बेपत्ता असल्याची तक्रार दाखल केली. पोलिसांच्या शोधानंतर त्याचा मुलगा आळंदी आढळल्याचं समोर आलं. तिथे मुलगा आळंदी पोलिसांच्या ताब्यात असल्याचं समजलं.
Mumbai Local Train Crime : लोकल ट्रेनमध्ये सीटवर बसण्यावरुन वाद, अल्पवयीन मुलाकडून एकाची हत्या; नंतर लूक बदलला आणि…
याचदरम्यान पोलिसांनी मुलाची आई देखील बेपत्ता असल्याचं समजलं. पोलिसांनी आरोपीला पत्नी बेपत्ता असल्याची तक्रार दाखल करण्याचं सांगितलं. पोलिसांच्या सांगण्यावरुन आरोपीने २६ नोव्हेंबरच्या सकाळी वाकड पोलीस स्थानकात पत्नी बेपत्ता असल्याची तक्रार दिली.

दुसरीकडे २६ नोव्हेंबरच्या दिवशीच एका ट्रक चालकाचा ट्रक खंबाटकी घाटाजवळच खराब झाला होता. तो तिथे घाटात असताना त्याला महिलेचा मृतदेह झाडीत आढळला. त्या ट्रक चालकाने खंडाळा पोलिसांना याची माहिती दिली.

असा अडकला पोलिसांच्या जाळ्यात

ज्यावेळी आरोपी मुलगा बेपत्ता झाल्याची तक्रार देण्यासाठी आला, त्याचवेळी त्याने पत्नी बेपत्ता असल्याची तक्रार का दिली नाही, असा संशय हिंजेवाडी पोलिसांना आला. त्यानंतर पोलिसांनी आरोपीचे फोन रेकॉर्ड तपासले. त्यावेळी समोर आलं, की २४ ते २६ नोव्हेंबर रोजी त्याचा फोन काही काळासाठी बंद होता. पोलिसांनी चौकशीसाठी आरोपीला बोलावलं आणि कसून चौकशी केली. पोलिसांच्या चौकशीत आरोपीने आपल्या लिव्ह इन पार्टनरची हत्या केल्याची कबुली दिली आहे. आपल्या प्रेयसीचं दुसऱ्या पुरुषासोबत अफेअर असल्याचा संशय आल्याने त्याने हे कृत्य केल्याचं कबूल केलं आहे.