सुरेश धस यांच्या मनाचा मोठेपणा, ६ वर्ष चप्पल न घालणाऱ्या कार्यकर्त्याची जाण ठेवली

बीड जिल्ह्यातील आष्टी विधानसभेचे आमदार आणि भाजपा नेते सुरेश धस आणि त्यांच्या कार्यकर्त्यांमधील जिव्हाळ्याची साक्ष देणारा व्हिडिओ समोर आलाय. सुरेश धस हे जोपर्यंत आष्टी विधानसभा मतदारसंघातून आमदार म्हणून निवडून येणार नाहीत तोपर्यंत पायात चप्पल घालणार नाही, असा पण धस यांच्या कार्यकर्त्याने केला होता. माऊली बांदल असं या कार्यकर्त्याचं नाव असून २०१८ साली त्यांनी धस यांच्यासाठी निर्धार केला होता. मात्र आता या विधानसभा तब्बल सहा वर्षांनी सुरेश धस यांचा आष्टी विधानसभा मतदारसंघात विजय होऊन ते विधानसभेत पोहोचलेत. त्यामुळे कार्यकर्त्यांने केलेला निर्धार आता पूर्ण झाल्याने स्वतः सुरेश धस यांनी त्याची दखल घेतली आणि आपल्या हातांनी माऊली बांदल यांच्या पायात चप्पल घालत मनाचा मोठेपणा देखील दाखवला.

Source link