Tej Police Times
राष्ट्रवादीचा स्ट्राईक रेट शिवसेनेपेक्षा अधिक, गुलाबराव पाटलांचा सुगंध कमी झाला; अमोल मिटकरींचा टोला
शिवसेना शिंदे गटाचे नेते गुलाबराव पाटील यांनी अजित पवारांच्या राष्ट्रवादीला डिवचत मोठं वक्तव्य केलं होतं. त्यावेळी जर अजित पवार यांना सोबत घेतलं नसतं तर शिवसेनेला शंभर जागा निवडून आल्या असत्या, असं गुलाबराव यांनी म्हटलं होतं. यावर आता अजित पवार गटाकडून प्रत्युत्तर देण्यात आलंय. आमदार अमोल मिटकरी यांनी गुलाबराव पाटील यांच्यावर खोचक टीका केली आहे. गुलाबराव पाटील यांना जरा दमाने घेण्याची गरज आहे. अजून संसार देखील उभा झाला नाही आणि तुम्ही भांडण करीत आहात. तुमच्या पक्षापेक्षा आमच्या पक्षाचा स्ट्राईक रेट जास्त आहे, असा खोचक सल्ला मिटकरींनी गुलाबराव पाटील यांना दिला आहे.
Source link